Policia ka zbardhur dinamikën e konfliktit të ndodhur mesditën e djeshme në Lezhë, ku pati një sherr mes të rinjëve.
Ngjarja ka ndodhur në orën 12:02, në qytetin e Lezhës, ku Fatjon Gjini, dhe Ervin Nika, kanë goditur me mjete të forta Redian Margjonaj, ku më pas Margjonaj, bashkë me tre shokët e tij, (të 4 të shpallur në kërkim) kanë goditur me automjet Fatjon Gjini dhe më pas e kanë goditur me mjete të forta, duke i shkaktuar dëmtime fizike.
Gjini ka mbetur i dëmtuar rëndë në pjesën e kokës dhe u dërgua për mjekim në spital. Lidhur më këtë sherr, Policia bënë me dije se ka arrestuar 2 persona dhe 4 të tjerë janë shpallur në kërkim.
Në pranga është vënë Fatjon Gjini, 34 vjeç për veprat penale “Plagosje e rëndë me dashje” kryer në bashkëpunim, “Veprime që pengojnë zbulimin e së vërtetës”, “Prishja e qetësisë publike”, dhe “Deklaratë e rreme përpara oficerit të policisë gjyqësore” dhe Ervin Nika, 37 vjeç, për veprat penale “Plagosje e rëndë me dashje” kryer në bashkëpunim”, “Veprime që pengojnë zbulimin e së vërtetës” dhe “Prishja e qetësisë publike”.
“U shpallën në kërkim për veprat penale “Plagosje e rëndë me dashje”, kryer në bashkëpunim dhe “Prishja qetësisë publike”, shtetasit: Redian Margjonaj, 20 vjeç, banues në Tale, Kevin Ndoka, 20 vjeç, Alessio Dodaj, 15 vjeç dhe Alan Mashi, 17 vjeç”, njoftoi sot policia.
Policia e Lezhës vijon punën për dokumentimin e plotë të ngjarjes dhe për kapjen e personave të shpallur në kërkim.
