Prokuroria e Beratit ka kërkuar pesë vite burg për Natasha Rombulan dhe Armando Kumarakun, gjyshja dhe babai i 10-vjeçarit, të cilin e shfrytëzonin për video banale në rrjete sociale. Prokuroria kërkon tre vite burg për Armando Kumarakun, babain e të miturit si edhe dënim plotësues ‘Humbjen e përgjegjësisë prindërore’. Ndërsa për gjyshen e 10-vjeçarit Natasha Rombulan Prokuroria kërkon dy vite burg.
Sipas Prokurorisë, Natasha Rombula dhe Armando Kumaraku kanë keqtrajtuar 10-vjeçarin. Konkretisht gjyshja dhe babai kanë komunikuar me fjalë banale me të miturin dhe e kanë detyruar të flasë në të njëjtën mënyrë në rrjetet sociale ‘Youtube’ dhe ‘TikTok’.
Njoftimi i Prokurorisë:
Në përfundim të gjykimit, vlerësohet se akuza e ngritur në ngarkim të të pandehurve është tërësisht e provuar, ndaj gjatë pretencës Prokuroria pranë Gjykatës së Shkallës së Parë të Juridiksionit të Përgjithshëm Berat, kërkon deklarimin fajtor të të pandehurit A.K. dhe dënimin e tij me 3 vite burgim si dhe dënim plotësues ‘Humbjen e përgjegjësisë prindërore’. Ndërsa për shtetasen N.R., dënimin me 2 vite burgim.
Të dy të pandehurit, nënë e bir, kanë keqtrajtuar djalin e mitur, (djali dhe nipi i të pandehurve) kanë komunikuar me fjalë banale me të miturin dhe e kanë detyruar të flasë në të njëjtën mënyrë në rrjetet sociale ‘Youtube’ dhe ‘TikTok’.
Gjatë seancës vlerësuse është arrit në përfundimin se i mituri ka qënë i kërcënuar vazhdimisht dhe është ndjerë nën presion nga babai dhe gjyshja si dhe është ekspozuar në rrjetet sociale në mënyrë abuzive me gjuhë dhune dhe fjalor denigrues, i cili nuk është i përshtatshëm për moshën në të cilën ndodhet i mituri.
Po kështu, i mituri është ekspozuar kundrejt lëndëve narkotike, gjë e cila është e papranueshme për moshën që fëmija ka. Ai është nxitur nga gjyshja dhe babai i tij për t’u bërë pjesë e rrjeteve sociale (Tik-Tok) në video pa dëshirën e tij, gjë e cila ka ndikuar në gjëndjen e rënduar emocionale të fëmijës së mitur. Bullizimi që ushtrohet duke iu drejtuar me epitete të ndryshme gjithashtu kanë rënduar gjendjen e tij psikologjike.
Në përfundim të hetimeve paraprake, pas analizës në tërësi të të dhënave dhe provave të marra, arrihet në përfundimin se, ka të prova të mjaftueshme se të pandehurit A.K. dhe N.R. kanë kryer veprën penale për të cilën u akuzuan. Ata kanë kryer veprime të cilat konsistojnë në keqtrajtim fizik dhe psikologjik të të miturit dhe detyruar këtë të fundit për të kryer veprime që dëmtojnë zhvillimin e tij mendor dhe fizik që ka sjellë si pasojë simptoma të çrregullimit të personalitetit anti social te i mituri, duke qënë se të gjithë modelet që ai ka pasur kanë ndikuar drejtpërsëdrejti në jetën e tij dhe në zhvillimin e tij si individ.
j.l./ dita
Njerëz pa moral, merrni dënimin e merituar shkoni shani prap, msoni fëmijët si të edukohen jo si të shajnë.
Po cfare eshte kjo, abuzime me nje 10 vjecare qe ngele I traumatizuare gjithe jeten dhe denohen nga 1 vite burge??? Do te hane pyka keta te drejtesise? Deri kur do tr vazhdohet keshtu,
Këto me ligjet e buta për këto ngjarje, që duhet të konsiderohen makabritete, tregojnë mosfunksionim të drejtësisë, për këtë mund të bëhen dhe protesta mbarëpopullore.
Programe të ndryshme televizive duhet të sensibilizojnë shoqërinë për këto probleme shqetësuese të shoqërisë shqiptare.
Këto janë të rritur totalisht të papërgjegjshëm dhe kjo është veprimtari e plotë kriminale.