Numri i viktimave nga tërmeti që goditi Turqinë ka shkuar në 5.021 të vdekur, por pritet të rritet ndërsa ekuipazhet e shpëtimit gërmojnë në rrënoja për të gjetur të mbijetuar.
Deri tani janë konfirmuar më shumë se 5.021 viktima në dy anët e kufirit si pasojë e tërmetit me magnitudë 7.8. Por sipas Organizatës Botërore të Shëndetësisë, vdekjet nga tërmeti në Siri dhe Turqi mund të arrijnë në 20.000 në ditët në vijim.
Numri i të vdekurve në Turqi shkoi në të paktën 3.419 viktima, tha zëvendëspresidenti i Turqisë, Fuat Oktay në një konferencë televizive të martën.
Të paktën 20.534 persona janë raportuar të plagosur, shtoi Oktay. Deri më tani, 11.000 ndërtesa janë raportuar të dëmtuara në Turqi.
Ndërsa në Siri, numri i të vdekurve është rritur në 1.602 në zonat e kontrolluara nga qeveria dhe zonat e kontrolluara nga opozita, raportuan zyrtarët.
Të paktën 3.649 persona janë raportuar të plagosur në të gjithë vendin, sipas tyre.
Të dy vendet vazhdojnë kërkimet për gjetjen e të mbijetuarve dhe trupave të viktimave, por situata në Sirinë veriore është më dëshpëruese.
Rajoni është shtëpia e miliona refugjatëve të zhvendosur nga lufta civile.
Kontrolli i Sirisë veriore është i ndarë midis qeverisë, forcave të udhëhequra nga kurdët dhe grupeve të tjera rebele, të përfshira në konflikt.
Edhe para tërmetit, situata në pjesën më të madhe të rajonit ishte kritike, me motin e ftohtë, infrastrukturën e shkatërruar nga lufta civile dhe shpërthimin kolerës.
Pjesa më e madhe e Alepos u shkatërrua në luftën civile, e cila shpërtheu në vitin 2011 kur një kryengritje paqësore kundër presidentit Bashar al-Assad u shndërrua në dhunë.
Qyteti ka pasur infrastrukturë të rrënuar, ndërtesa të shkatërruara dhe ndërprerjet e energjisë elektrike ishin të zakonshme para tërmetit.
Russian military working with Syrian Arab Army, REAL Syria Civil Defence & civilians in #Aleppo to find earthquake survivors 🙏 pic.twitter.com/Pnyli5oe6z
— vanessa beeley (@VanessaBeeley) February 7, 2023
Pasgoditjet dhe moti i ftohtë po pengojnë përpjekjet e ekipeve të shpëtimit për gjetjen e të mbijetuarve dhe nxjerrjen e trupave të viktimave, me një lëkundje me magnitudë 5.4 ballë që u ndje në Turqinë lindore mëngjesin e sotëm.
Koordinatori humanitar i OKB-së në Siri, El-Mostafa Benlamlih, i tha CNN se misioni i kërkim-shpëtimit po pengohej nga mungesa e pajisjeve dhe makinerive të posaçme.
Ai tha se rezervat e OKB-së janë shpërndarë dhe nevojiten më shumë ilaçe dhe pajisje mjekësore, dhe veçanërisht ujë apo mjete për të riparuar rezervuarët e dëmtuar të ujit.
Drone footage #TurkeySyriaEarthquake
Turkey and Syria earthquakes almost 6000 buildings collapsed, number of deaths passes 5000, rescue teams working devotedly. #earthquake #Turkey #Syria #syriaearthquake #TurkeyQuake #Turkiye #TurkeyEarthquake #deprem pic.twitter.com/wQusCq9NjP
— Dhananjay Mandal (@dhananjaynews) February 7, 2023
j.l./ dita
