Pensionistët dhe fëmijët në Kosovë do të marrin nga 100 euro si shpërblim këtë fundvit.
Lajmin e ka bërë të ditur kryeministri Albin Kurti, ndërkohë që vendimi pritet të miratohet gjatë ditës së sotme.
“Besoj ju kujtohet premtimi që çdo vit secili fëmijë do të përfitojë 50, 100 apo 150 euro, varësisht nga të ardhurat e prindërve. Sivjet kemi vendosur që të gjtihë fëmijët pa dallim të përfitojnë nga skema dhe shuma e përfitimit të jetë 100 euro”, tha Kurti.
Më tej Kurti vuri në dukje se po planifikohet “që kjo skemë të sofistikohet edhe më tutje, duke filluar zbatimin edhe deklarimin e të ardhurave vjetore nga të gjithë prindërit përfitues”.
Kjo, sipas Kurtit që të ketë dallim në mbështetje, çka dotë thotë se ata që kanë më pak të ardhura, të përfitojnë më shumë.
“Për të gjithë pensionmarrësit këtë fundvit, me qëllim të lehtësimit të kostos së jetesës për këtë kategori të cenueshme, do të miratojmë shtesën e njëhershme prej 100 eurove, përveç pensionit të rregullt mujor që marrin”, tha Kurti.
Ministria e Financave do të njoftojë për detajet rreth ekzekutimit të shtesave.
p.k\dita
