Një seri shpërthimesh të forta u regjistruan pak para orës 15:00 në zonën Katara të Dohas në Katar.
Dëshmitarët raportojnë të paktën pesë shpërthime të fuqishme në këtë rajon.
Sipas burimeve nga një zyrtar izraelit, bëhet fjalë për një operacion për eleminimin e një zyrtari të lartë të Hamasit brenda territorit të Katarit.
Ngjarja ka shkaktuar alarm dhe panik në zonë, ndërsa autoritetet po vazhdojnë hetimet për shkaktarin dhe pasojat e shpërthimeve.
Video të shpërthimeve dhe shtresave të mëdha tymi janë përhapur gjerësisht në media dhe rrjetet social.
Një zëdhënës i Ministrisë së Jashtme të Katarit ka dënuar me termat më të ashpër të mundshëm sulmin për të cilin Izraeli tashmë ka marrë përgjegjësinë.
Majed Al Ansari deklaroi se sulmi ka goditur një banesë rezidenciale ku banojnë disa anëtarë të Byrosë Politike të Hamasit në kryeqytetin e Katarit, Doha.
Ai theksoi se sulmi përbën një shkelje flagrante të ligjeve ndërkombëtare dhe një kërcënim serioz për të gjithë ata që ndodhen në Katar.
Ndërkohë, është publikuar edhe deklarata e plotë mbi sulmin nga Forcat e Mbrojtjes së Izraelit (IDF).
IDF ka konfirmuar se Izraeli ka kryer një sulm ndaj udhëheqësve të lartë të Hamasit në kryeqytetin e Katarit, Doha.
IDF nga ana e saj e cilësoi sulmin plotësisht efektiv dhe në shenjë.
Emri zyrtar i sulmit ndaj udhëheqjes së Hamasit në Katar është koduar “Atzeret HaDin”, që përkthehet si “Dita e Gjykimit”.
Emri sjell në mendje festën hebraike të Shemini Atzeret, gjatë së cilës Hamasi pushtoi Izraelin, jugor më 7 tetor 2023.
Mediat izraelite raportojnë edhe për një dakordësi nga ana e SHBA-ve për sulmit, duke specifikuar se edhe vetë presidenti amerikan Donald Trump i dha dritën jeshile.
Ndërkohë zyra e kryeministrit izraelit Benjamin Netanyahut ka lëshuar një deklaratë pas sulmeve në Doha.
Në deklaratë theksohet se veprimi i sotëm kundër krerëve kryesorë terroristë të Hamasit ishte një operacion tërësisht i pavarur izraelit.
Sipas deklradtës izraeli e nisi, e drejtoi dhe merr përgjegjësi të plotë mbi sulm.
j.l./ dita
