Kryeministri i Kosovës, Albin Kurti ka uruar Shqipërinë me anë të një postimi në platformën X për hapjen e kapitujve të parë të negociatave të anëtarësimit në BE.
“Urime Shqipërisë për hapjen e kapitujve të parë të negociatave të anëtarësimit në BE. Rruga e Ballkanit Perëndimor drejt BE-së është çelësi për arritjen e prosperitetit dhe paqes si për rajonin ashtu edhe për Evropën në tërësi”,-shkruan Kurti.
Shqipëria çeli këtë të martë në Luksemburg grup-kapitullin e parë të negociatave me Bashkimin Europian.
Ky grup kapitulli prek fusha thelbësore siç janë: drejtësia, gjyqësori, funksionimi i institucioneve demokratike, prokurimi publik apo reforma e administratës publike.
i.b./dita
