Sëmundjet kardiovaskulare (zemrës) janë shkaktari kryesor i vdekjeve në mbarë botën.
Krahas kujdesit për regjimin ushqimor, vendimtar në uljen e rrezikut për sëmundje të zemrës është edhe aktiviteti i rregullt fizik.
Autoritetet e Institutit të Shëndetit Publik bëjnë me dije se të paktën 30 minuta aktivitet i rregullt fizik i një intensiteti të moderuar, në më të shumtën e ditëve të javës, zvogëlon rrezikun e sëmundjeve kardiovaskulare (SKV).
Të dhënat tregojnë se përfitimet më të mëdha të aktivitetit fizik janë në zvogëlimin e rrezikut për t’u prekur nga sëmundjet kardiovaskulare.
Njerëzit joaktivë kanë deri dy herë më shumë rrezik për t’u prekur nga sëmundjet kardiovaskulare sesa njerëzit të cilët ushtrojnë aktivitet fizik.
Gjithashtu, aktiviteti fizik ndihmon në parandalimin e ishemisë celebrale dhe përmirëson një sërë faktorësh rreziku për sëmundjet kardiovaskulare, përfshirë këtu hipertensionin dhe kolesterolin e lartë.
Si po kujdeseni ju për zemrën tuaj? Më poshtë ekspertët e ISHP-së japin disa këshilla që ju mund të ndiqni për të reduktuar rrezikun për atak në zemër dhe goditej në tru, si dhe për të patur një zemër të shëndetshme.
Për të zvogëluar rrezikun për sëmundje zemre:
- Kryeni rregullisht aktivitet fizik
- Mos pini duhan
- Konsumoni sa më pak kripë
- Konsumoni më shumë fruta dhe zarzavate
- Kufizoni konsumin e alkoolit
- Nëse keni tension të lartë gjaku, diabet, merrni rregullisht medikamentet e përshkuara nga mjeku.
p.k\dita
