Situata e Covid në Kinë alarmon Europën, çfarë dihet për nënvariantin e ri Gryphon dhe shtimi i rasteve në SHBA

Rritja e numrit të rasteve me Covid në Kinë ka alarmuar gjithë botën duke aluduar për një situatë të re të pandemisë, me shfaqjen e një nënvarianti të ri XBB.1.5 të virusit SarsCoV2 , i njohur si Gryphon.

Të dhënat epidemiologjike kineze nga kompania kërkimore britanike Airfinity flasin për mbi një milion raste të reja dhe të paktën 5 mijë vdekje në ditë.

Sipas të dhënave të Komisionit Kombëtar të Shëndetit, raportuar nga CNN, në 20 ditët e para të dhjetorit janë konstatuar gati 250 milionë raste në 20, ose 18% e popullsisë kineze.

Dyshimet janë fokusuar tek Gryphon, i cili mund të jetë shkaku i rritjes së epidemisë së Kinës.
Në SHBA, rastet me XBB janë rritur tashmë 140% në muajin e kaluar, duke raportuar një shkallë më të lartë të shtrimit në spital se Delta në verën e 2021.

Ajo që është gjithashtu shqetësuese është mundësia që variante të reja të virusit mund të zhvillohen nga një numër kaq i madh infeksionesh, jo domosdoshmërish duke u nisur nga soji Omicron.

Varianti në Kinë, çfarë dihet për të

Gryphon: Ky “anëtar” i fundit i familjes Omicron mund të jetë ndër shkaqet e rritjes së epidemisë në Kinë. Ky variant u bë dominant pas lirimit të masave kufizuese.

“Për momentin është vetëm një hipotezë”, thotë për Ansa-n virologu Francesco Broccolo i Universitetit të Salentos.
“Është e vërtetë që në Kinë kemi kaluar në një kohë të shkurtër nga një politikë e ashpër kufizimi në një hapje të papritur, por është gjithashtu e vërtetë që popullata ka marrë një vaksinë, Sinovac, me një administrim të barabartë me 241 doza për 100 banorë, e barabartë me atë të Britanisë së Madhe”, vëren ai.

Vaksina ishte 66% efektive në mbrojtjen kundër ngjitjes, 88% kundër shtrimeve në spital, 90% kundër formave të rënda të sëmundjes dhe 86% kundër vdekjeve, sipas të dhënave të publikuara së fundmi në New England Journal of Medicine.

Nëse situata e vaksinës nuk është e mjaftueshme për të shpjeguar rritjen e epidemisë në Kinë, as fundi i kufizimeve nuk është i mjaftueshëm.

“Diçka shumë e rëndësishme po ndodh, numri i vdekjeve nga Covid është i pakontrollueshëm dhe deri më tani ekziston mundësia që qarkullojnë një ose më shumë variante të reja”, vëren Broccolo.

Detajet mbi mutacionin

Në Kinë, sekuencat gjenetike të depozituara në bankën ndërkombëtare Gisaid, të përditësuara më 22 dhjetor, tregojnë se “sidomos nënvariantet BA.5.2 dhe BF.7 po qarkullojnë dhe se ka 81 sekuenca të nënvariantit XBB të depozituara më 9 dhjetor”, thotë gjenetisti Massimo Zollo, koordinator i Task Forcës Covid-19 të Ceinge të Napolit, i cili analizoi të dhënat me Angelo Boccia, i grupit të Bioinformatikës të Ceinge.

Fakti që janë depozituar vetëm 81 sekuenca XBB, vëren ai, tregon se veprimi i variantit të sekuencës është bllokuar ose nuk po bëhet publik. Për të lejuar që XBB të përhapet me shpejtësi do të ishte mutacioni i quajtur F486P, i cili do ta lejonte atë të shpëtonte nga antitrupat e krijuar nga infeksionet dhe Omicron 5 dhe gjithashtu do të forconte lidhjen me receptorin Ace2 që gjendet në qelizat njerëzore. Gjithashtu janë zbuluar mutacione në proteinën Spike, “kthetra molekulare” që virusi përdor për t’u lidhur me qelizat njerëzore, plus katër mutacione në nukleoproteinën N, e cila ka funksionin e mbrojtjes së gjenomit viral dhe pesë në enzimën që i nevojitet virusit për të riprodhuar materialin e tij gjenetik.

“Kjo do të thotë se virusi SarsCoV2 po përmirësohet gjithashtu në aftësinë e tij për të ndryshuar vetveten”, thotë Zollo.

Ekspertët epidemiologë thonë se virusi Covid-19 do të vijojë të prodhojë nënvariante por janë të gjitha Omicron.
Nisur nga rastet në Kinë, epidemiologët thonë se shkaku është strategjia e dështuar Covid zero.
“Pa u krijuar imuniteti i tufës pas infektimit masiv, Kina ashtu do të vazhdojë. Rëndësi ka që gjithë pjesa tjetër e botës është e qetë. Dhe edhe pse ka infektime, të shtruar në spital dhe vdekje ka shumë pak”, tregon Zollo.