“Ndaloi një zemër që mbajti brenda dhimbjen më të madhe që mund të përjetojë një njeri”

Ditën e sotme është ndarë nga jeta nga një ndalim zemre Albert Cara, një nga të mbijetuarit e tërmetit të 26 nëntorit 2019.

Ai u bë i njohur tragjikisht në atë periudhë të rëndë sepse humbi në rrënoja 7 anëtarët e familjes, mes tyre gruan, fëmijët, të fejuarën e djalit.

Një i afërm i tij ka shkruajtur sot në rrjetet sociale: “Sot u nda nga jeta Albert Cara… një zemër që mbajti brenda dhimbjen më të madhe që mund të përjetojë një njeri”.

Humbën jetën të gjithë ata që shihen në foton shoqëruese:

Hasan Cara
Almir Cara
Erisa Cara
Stela Cara
Fatmira Cara
Anthi Cara
Sadajana Cara

Familja jetonte në katin e 5 të një pallati  në Thumanë, i cili u shemb plotësisht.

Në 26 nëntor 2019, rreth orës 03:54 të mëngjesit një tërmet me magnitudë 6.4 e shkallës Rihter goditi Durrësin, Thumanën, Laçin, Tiranën dhe zonat përreth Epiqendra ishte afër Durrësit, në Detin Adriatik. 51 persona humbën jetën, mbi 900 persona u plagosën.

o.p. / dita