Presidenti ukrainas, Volodymyr Zelenskyy do të udhëtojë sot për në Shtëpinë e Bardhë për të zhvilluar një takim me homologun e tij amerikan, Donald Trump. Ky takim vjen disa ditë pasi Trump u takua me presidentin rus, Vladimir Putin në Alaskë ku diskutuan rreth arritjes së një marrëveshjeje paqeje në Ukrainë.
Takimi i sotëm është i një rëndësie të madhe dhe do të përcaktojë të ardhmen e diskutimeve në lidhje me luftën në Ukrainë. Zelenskyy nuk do të jetë i vetëm përballë Trump, i cili herën e fundit nuk e priti mirë në Shtëpinë e Bardhë duke e kritikuar nga veshja e tij e deri të kërkesat për ndihma ushtarake. Kësaj here Zelenskyy do të ketë “mburojë” udhëheqës të lartë evropianë, në një përpjekje vendimtare për të parandaluar imponimin e një zgjidhjeje që do të kërkonte lëshime territoriale nga Kievi.
Nga detajet e zbuluar mësohet se axhenda e takimit nis në orën 13:15 me orën lokale (19:15 me orën shqiptare). Më pas në orën 20:15 do të përshëndesin udhëheqësit evropianë ku disa minuta më vonë do të bëhet një foto familjare. Takimi i përbashkët nis në orën 21:00 ndërsa nuk dihet se sa do te zgjasë pasi nuk ka një orar zyrtar se kur mund të përfundojë takimi.
Donald Trump, i dërgoi një mesazh Zelensky-t dhe Ukrainës në një postim në Truth Social disa orë para takimit në Shtëpinë e Bardhë. Sipas Trump Zelenskyy mund ta përfundojë luftën me Rusinë pothuajse menjëherë. Trump përjashtoi çdo mundësi që Ukraina të rimarrë kontrollin e gadishullit të Krimesë, i cili u aneksua nga Rusia në vitin 2014, si dhe t’i bashkohet Organizatës së Traktatit të Atlantikut të Veriut.
“Presidenti Zelensky i Ukrainës mund ta përfundojë luftën me Rusinë pothuajse menjëherë nëse dëshiron, ose mund ta vazhdojë luftën. Kujtoni se si filloi. Nuk ka asnjë mënyrë për të rimarrë Krimenë e dhënë nga Obama (12 vjet më parë, pa u qëlluar asnjë e shtënë!), dhe për të pasur anëtarësim në NATO për Ukrainën. Disa gjëra nuk ndryshojnë kurrë”, shkruan Trump.
j.l./ dita
z.Zelenskij eshte nevojtar.E cmojme shume luften e popullit ukrainas kunder pushtimit rus.
Por z.Zelenskij nuk ka luxin te beje karshilleqe me veshje capaculi.Te marre me qera nje kostum e kollaro dhe te paraqitet dinjitoz ne takim me veshje zyrtare..Mos marre shembull ndonje qe do cudise boten me brekushhe me atlete, ZELENSKIJ ESHTE HALLEXHI,/Ketij i pjell gjeli shtri.