Ish-Zv.Kryeministri dhe njëkohësisht ish Ministri i Financave, Arben Ahmetaj dhe bashkëjetuesja e tij, Erjola Hoxha, kanë paditur shtetin shqiptar në Gjykatën e Strasburgut, lidhur me kontrollet e ushtruara në banesën e tyre më 9 mars 2023, me vendim të Gjykatës së Posaçme Antikorrupsion (GJKKO) të firmosur më 8 mars.
Ahmetaj pretendon se kontrollet janë kryer në mënyrë të paligjshme, pasi në atë periudhë ai ishte ende deputet i Kuvendit të Shqipërisë, duke argumentuar se është cenuar imuniteti i tij parlamentar. Sipas Kushtetutës, banesat e deputetëve nuk mund të kontrollohen pa miratimin paraprak të Kuvendit.
KËRKESA E PLOTË:
“Kërkuesi i parë ishte në kohën përkatëse një Anëtar i Parlamentit (AP), dhe kërkuesja e dytë është partnerja e tij. Kërkesa ka të bëjë me kontrollin e kryer më 9 mars 2023 ndaj personit dhe telefonit celular të kërkueses së dytë dhe banesës së përbashkët të kërkuesve, mbi bazën e një vendimi të Gjykatës së Posaçme për Korrupsionin dhe Krimin e Organizuar, të lëshuar më 8 mars 2023.
Vendimi përfundimtar është miratuar nga Gjykata Kushtetuese më 12 dhjetor 2023 dhe u njoftua kërkuesve më 12 janar 2024.
Kërkuesit ankohen se kontrolli i banesës së tyre ishte i paligjshëm, pasi kërkuesi i parë ishte AP në kohën përkatëse, dhe banesa e tij nuk mund të kontrollohej pa autorizim paraprak të Parlamentit (sipas nenit 73 (2) të Kushtetutës); dhe se ata nuk kishin qasje në një procedurë për të kundërshtuar kontrollet në fjalë, në kundërshtim me kërkesat e neneve 8 dhe 13 të Konventës.
A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?
A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës (shih Brazzi kundër Italisë, nr. 57278/11, §§ 41-48, 27 shtator 2018; Giuliano Germano kundër Italisë, nr. 10794/12, § 95, 22 qershor 2023; Mukhtarli kundër Azerbajxhanit, nr. 39503/17, §§ 216 dhe 217, 5 shtator 2024; dhe Posevini kundër Bullgarisë, nr. 63638/14, § 84, 19 janar 2017)? Në veçanti, a ishte vendimi gjyqësor i 8 marsit 2023 i ankueshëm?
Qeveria ftohet të paraqesë jurisprudencën përkatëse dhe shembuj të shqyrtimit nga gjykatat më të larta të apelimeve të ngjashme”, thuhet në dokument.
Oficerët e Byrosë Kombëtare të Hetimit dhe hetuesit e Prokurorisë së Posaçme Kundër Korrupsionit dhe Krimit të Organizuar (SPAK) kanë ushtruar kontrolle në shtëpinë e deputetit të Partisë Socialiste Arben Ahmetaj pasditen e 9 marsit të vitit 2023. Është kontrolluar shtëpia ku jeton ish-bashkëshortja e Ahmetajt, Albina Mançka dhe dy vajzat e tij. Gjithashtu, oficerët e BKH-së dhe hetuesit e Prokurorisë së Posaçme (SPAK) kanë ushtruar kontroll edhe në vilën që ndodhet në Gjirin e Lalëzit, e cila rezulton të jetë në pronësi të partneres së Ahmetajt, Erjola Hoxha.
j.l./ dita
Kaq pak, perse nuk kerkon dhe rrogen se te kane pushuar pa te drejte. Ndonje gazetar ose deputet kur ben Dumani koference/interpelance nuk e ka pyetur ku jane me arrestimin dhe ekstradimin.
Di njeri cfare prejardhje ka ky ahmetaj? Ajo hunda dhe ngjyra te kujton aziatik nga ekuadori
Merreni kete letyre dhe futeni brenda, çfare prisni. Eshte identik me Sali berishen persa i perket zbardhjes se krimeve. Ky ka krime ekonomike qe s’kane nevoje per hetim, ndersa Saliu ka nje bote mbi vete. Po ç’jane keto, Strasburgu mbrojtje e krimit dhe korrupsionit eshte?! Ben mire ai Trampin qe kerkon te dali dhe nga OKB si ka nxjerre Ameriken nga organizata te tjera. Jane kthyer ne halé me strasburg e me Europe. Eshte bashkura ky me ate halene tjeter Tufen dhe ata Zaganin ne Zvicer, kthyer Zvicra ne vater krimi.