Gjykata e Posaçme e Shkallës së Parë për Korrupsionin dhe Krimin e Organizuar rrëzoi të enjten kërkesën e SPAK për pushimin e një procedimi penal për “fshehje pasurie” ndaj shtatë ish-gjyqtarëve të Gjykatës së Lartë dhe të Gjykatës Kushtetuese, mes të cilëve dy krerët e tyre, Xhezair Zaganjori dhe Bashkim Dedja.
Ata janë larguar nga sistemi i drejtësisë përmes vetingut ose dorëheqjeve.
Hetimi ndaj shtatë ish-zyrtarëve të lartë të drejtësisë nisi në prill 2020 pas një kallëzimi të dorëzuar në SPAK për vepra penale që lidheshin me evazionin fiskal dhe fshehjen e pasurisë. Materiali kallëzues u nda dhe çështjet u dërguan për kompetencë në prokuroritë e Tiranës, Durrësit dhe Elbasanit.
Me vendimin e datës 30 dhjetor 2021, prokurorja Doloreza Musabelliu kërkoi pushimin e procedimit penal për ish-kreun e Gjykatës së Lartë, Xhezair Zaganjori dhe ish-gjyqtarët Aleksandër Muskaj, Artan Zeneli, Besnik Imeraj, Edmond Islamaj, Gani Dizdari dhe Tom Ndreca. Në kërkesën për pushim, Musabelliu argumentonte se, megjithëse konstatohen pasaktësi në plotësimin e deklaratës së pasurisë, ato nuk përmbajnë elementë të veprës penale.
Por kërkesa e SPAK nuk u pranua të mërkurën nga gjyqtari Erjon Bani, i cili ka konstatuar mungesë të hetimeve në harmoni me prakitkën e deritanishme për subjekte dhe raste të ngjashme.
“Gjykata riktheu aktet për hetime të mëtejshme,” sqaroi për BIRN, koordinatorja për të drejtën e informimit në Gjykatën e Posaçme të Shkallës së Parë.
Ish-kreu i Gjykatës Kushtetuese, Bashkim Dedja dhe ish-gjyqtari Fatos Lulo akuzohen për “fshehje pasurie”. Ish-kryetari i Gjykatës së Lartë, Xhezair Zaganjori akuzohet për 4 pasuri të patundshme në Tiranë dhe një apartament në Durrës.
Ish-gjyqtari i Gjykatës Kushtetuese, Besnik Imeraj dha dorëheqjen më 31 janar 2018 për “arsye shëndetësore dhe personale”, por u referua në prokurori nga Komisioni i Pavarur i Kualifikimit.
Kolegu i Imerajt, Gani Dizdari u shkarkua nga detyra për shkak të kontakteve të papërshtatshme me nipin e tij të dënuar si dhe për mosjustifikimin e pasurisë së personave të lidhur.
Ish-anëtari i Gjykatës së Lartë, Edmond Islamaj u shkarkua pasi nuk pasqyroi 4.1 milionë lekë kursime në deklaratën “veting” për të shmangur kontrollin mbi burimin e tyre.
Për ish-anëtarin tjetër të Gjykatës së Lartë, Tom Ndreca, procesi i rivlerësimit nxorri në dritë mosdeklarim të pasurisë si dhe problemet e kunatit me ligjin.
Ish-anëtari tjetër i Gjykatës së Lartë, Artan Zeneli u shkarkua për mosdeklarimin e heqjes së vizës nga ambasada e SHBA-së; mosdeklarim të huave nga persona të ndryshëm dhe probleme të tjera në blerjen e pasurive të paluajtshme.
Ndërsa Aleksandër Muskaj u largua me dorëheqje nga sistemi i drejtësisë së bashku me katër anëtarë të tjerë të Gjykatës së Lartë.
o.p. / dita
Or spak merru me kryekriminelet dhe kryehajdutet, e pastaj krundet dalin vete. Nqs se spak nuk ben detyren, ashtu sic po vepron deri tani me mire te na zhduket nga faqja e dheut. Drejtesi te korruptuar sa per forme e kishim, nuk duam nje te dyte.
HAJDE SPAK HAJDE
NË VEND TE BEJE DETYREN LIGJORE PER HETIMIN E KRIMINELEVE ME TOGA TE ZEZA DHE NONEGRATAVE SPAK KAKI BEN AVOKATIN E TYRE !
HAJDE SPAK HAJDE !
Po ca kane bere keta hajdute e xhvates me shume nga ata te spakut.
Spaku u zgjodh si ,me te ndershmit e hajduteve.
A e di SPAKU-sa kushton nje dite pune e tyre?. JU PELQEJNE BENIFITET POR NUK DUAN TE BEJNE “SPAKUN”, si gjithmone, mentalitet i njerezve pa integritet. BOLL ME, ME eshte por nuk eshte aq sa. Keto ekspertiza me kujtojne ato te eksperteve rrugore, qe gjithmone e kane fajin sinjalistika qe eshte por duhet te ishte. Se perplaen koke me koke dy makina dhe ne asfalt japin frymen e fundit familje te tera, – kjo ndoll sepse teknikisht dhe teknikalitetet e rruges jane, po s,jane ato qe duhet sipas ….. fraza boshe. MJAFTE SE S,KEMI NEVOJE PER SPAK PER ARSYETIME PA INTEGRITET.
SPAK ka lindur i vdekur.Ngushëllime Ambasadores Yuri Kim që investon nga taksapaguesit Amerikan..dhe kritikon E.Ramën për SPAK që nuk po kryen detyrën.Që po godet nëënyrë SELEKTIVE,MAJTAS..!Dhe po merret me cironka.Në vënd që këtyre hajdutve e ko..tu kishte sekuestruar pasurinë.
-Popull: Sa të jet Sb në politikë nuk ka drejtësi.Edhe DASH po trembet nga LUGATI,PËRBINDËSHI,HAJDUTI,VRASËSI..!
Bravo shtrmbëria që po kthehet në kohën Osmane,vodhe ti i ndajmë bashkë vjedhunë i për vete.z Kim shiko ç’bëhet prapë erdhën anadollakët…
Ore komentues te paduruar sistemi po funksionon. Dikur keshtu liroheshin kriminelet. Kerkonte prokurori pushim ceshtje e vuloste gjykatesi. Emiljano Shullazi eshte kapur nja 4-5 here me arme ne makine dhe deklaronte “nuk e di se kush e ka harruar”. Prokurori kerkonte pushim hetimi dhe ai dilte per 48 ore.
Kesaj Dolorezes qe ben edhe gjykatesen duke percaktuar se si i kane bere parate gjykatesit, duke shkelur ligjin apo jo, do i shkruhet ne dosje dhe jeta vazhdon.
Imagjinoni ,keta kane kaq vjet qe nuk jane ne funksjone dhe tani vetem diskutohet a tu hetohet pasuria.Fitoni kohe o te korruptuar se keshtu kalojne vitet!Si mund te pretendohet psh qe Kraja te hetoje Zagarin`?PO e fillon hettimin dikur dhe koha ecen!