Një ndërprerje e papritur dhe e gjerë e energjisë elektrike ka goditur sot një pjesë të madhe të qyteteve në Spanjë, duke përfshirë kryeqytetin Madrid, si dhe qytete të mëdha si Barcelona, Malaga, Sevilla, Murcia, ndërsa efektet janë ndjerë edhe në disa rajone të Portugalisë dhe Francës.
Ministria e Brendshme spanjolle ka bërë thirrje për qetësi dhe po ndjek nga afër situatën, por për momentin nuk janë dhënë ende shkaqe zyrtare për defektin e gjerë në rrjetin energjetik. Ndërprerja e energjisë ka prekur rrjetet Wi-Fi, trafikun rrugor për shkak të ndërprerjes së semaforëve, si dhe aeroportet dhe transportin hekurudhor e atë urban në disa qytete kryesore.
Sipas të dhënave të para, furnizimi me energji ka rënë duke paralizuar një pjesë të madhe të aktivitetit urban.
Qytetarët, të frikësuar dhe të pasigurt, janë drejtuar masivisht në rrjetet sociale për të ndarë përvojat, ndërsa autoritetet po punojnë për të rivendosur shërbimet.
Nuk ka ende një reagim zyrtar ndërkombëtar mbi këtë problem të rrallë të sigurisë energjetike që ka përfshirë disa shtete në të njëjtën kohë. Hetimet janë në vazhdim.
j.l./ dita
