Lideri i lartë i Hezbollahut, Ibrahim Aqil, raportohet se është vrarë në një sulm ajror nga Izraeli ditën e sotme në Bejrutin jugor.
Reuters shkuan se Aqil u vra së bashku me anëtarët e njësisë elitare të Hezbollahut, Radwan, teksa ata po mbanin një takim.
Departamenti amerikan i drejtësisë e kishte cilësuar Aqilin si një terrorist global për rolin e tij të dyshuar në bombardimet e ambasadës amerikane të vitit 1983 në Bejrut, ku u vranë 63 njerëz, si dhe sulmet e kazermave të marinës amerikane atë vit që vranë 241 persona të personelit amerikan.
I njohur gjithashtu si Tahsin, Aqil dyshohet se drejtoi gjithashtu marrjen e pengjeve amerikanë dhe gjermanë në Liban dhe i mbajti ata atje në vitet 1980, sipas departamentit të drejtësisë amerikane.
Kujtojmë se në fillim të kësaj jave, 30 persona u vranë në një seri sulmesh me pajisje shpërthyese ndaj anëtarëve të Hezbollahut, për të cilat u fajësuan gjerësisht Izraeli.
Izraeli goditi për herë të fundit kryeqytetin libanez nga ajri në korrik, në një sulm që vrau shefin ushtarak të Hezbollahut, Fuad Shukr.
Nënkryetari i byrosë politike të Hamasit, Saleh al-Arouri, u vra në një sulm ajror izraelit në Bejrut në janar.
Ndërsa kjo është hera e tretë që kryeqyteti libanez është shënjestruar në sulmet ajrore nga Izraeli në vitin 2024.
j.l./ dita
Një e nga një , për skrap do t’i shpjerë të gjithë islamikët Izraeli . Vetëm ai i vjen hakut .
Po na shashtisni me keto lajme, nga dy a tre komandant per dite. Kane ndonje ushtar keta, apo jane te gjithe komandante, si ne shqiptaret qe ofendohemi te marrim urdhra nga te tjere.
Po hedh bomben e vret cfare ka ne pallat te njom e te thate dhe justifikohen se vrame nje tjeter kumandar. Mjere populli thoj me kete politike te qelbur nga te dy krahet.