Kryetari i bashkisë së Giaveno, Carlo Giacone, është sulmuar nga një i panjohur i cili e ka goditur vazhdimisht në kokë me një instrument të mprehtë.
Sulmi ndodhi në rrugë mbrëmjen e së shtunës 29 tetor rreth mesnatës, në Umberto I në Giaveno. Kryebashkiaku 62-vjeçar ndodhet i shtruar në spitalin e Rivolit. Ai është i vetëdijshëm, prognoza është e rezervuar.
Karabinierët e stacionit Giaveno hetojnë këtë çështje. Kryebashkiaku u sulmua nga një burrë me kapuç në qendrën historike të qytetit teksa po kthehej në shtëpi.
Fqinjët janë tërhequr nga britmat e viktimës dhe kanë dhënë alarmin, por për momentin nuk ka asnjë gjurmë të sulmuesit.
“Kryebashkiaku Carlo Giacone është shtruar në spitalin Rivoli pas një sulmi frikacak që pësoi mbrëmë. Për momentin gjendja e tij është stabile dhe ndodhet nën vëzhgimin e stafit mjekësor. Rreth tij dhe familjes janë mbledhur administrata komunale dhe punonjësit e komunës duke i uruar shërim të shpejtë. Hetimet nga policia po vijojnë. Faleminderit të gjithë atyre që po shprehin solidaritet dhe urojnë për shërim të shpejtë”, thuhet në njoftimin e administratës komunale.
j.l./ dita
