Kryeministri britanik Rishi Sunak ka shprehur mbështetjen e plotë ndaj Ukrainës, ndaj të cilës Rusia vijon sulmet e ashpra në disa territore.
Në një telefonatë në fillim të janarit me presidentin Volodymyr Zelenskyy, Sunak u shpreh se Ukraina do të ketë mbështetjen e Mbretërisë së Bashkuar në këtë kohë të vështirë lufte. Ai gjithashtu u shpreh se mbështetja do të jetë afagjatë, pas dorëzimit të fundit të më shumë se 1,000 raketave anti-ajrore, shkruajnë mediat e huaja.
“Po punohet gjithashtu për të siguruar pajisje të mëtejshme në javët dhe muajt e ardhshëm për të siguruar fitoren e Ukrainës në fushën e betejës”, shtoi kryeministri.
Të dy liderët folën pas një sulmi me raketa ukrainase që vrau dhjetëra ushtarë rusë në një qytet në rajonin e Donetskut. Rusia lëshoi një breshëri sulmesh në vendet ukrainase gjatë periudhës së vitit të ri.
Një zëdhënës i Downing Street tha se udhëheqësit diskutuan sulmet me dron në Ukrainë në ditët e fundit dhe kryeministri tha se mendimet e Mbretërisë së Bashkuar ishin me popullin ukrainas, pasi ata vazhdonin të jetonin nën bombardime të tilla.
Më tej, të dy krerët diskutuan samitin e fundit të Forcave të Përbashkëta Ekspeditore në Letoni muajin e kaluar.
j.l./ dita
