Një grua rreth të 60-tave ka mbetur e plagosur këtë të mërkurë me armë zjarri.
Ngjarja mësohet se ka ndodhur në fshatin Sulaj të Fierit. Gruaja mësohet se quhet S.Merrnica. Ajo ka qenë duke udhëtuar me motor me djalin e saj, ku autorët i kanë dalë përpara dhe kanë qëlluar.
Ngjarja ka ndodhur rreth orës 14:00 në afërsi të mbikalimit të Dërmënasit. Sipas burimeve zyrtare nga policia, dy persona dyshohet se i kanë zënë pritë shtetases Suzana Mërnica, e cila po udhëtonte me motor së bashku me djalin e saj. Ata kanë dalë përpara mjetit dhe kanë qëlluar në drejtim të saj me armë zjarri.
E plagosura, me profesion fermere, është transportuar me urgjencë në spital dhe ndodhet jashtë rrezikut për jetën.
Hetimet e para kanë çuar në identifikimin e autorëve të dyshuar: shtetasve Ali Cimili, 66 vjeç, dhe Afrim Cimili, 23 vjeç, banues në Dërmënas (babë e bir), të cilët janë shpallur në kërkim.
Policia ka ngritur pika kontrolli në hyrje-daljet e Fierit dhe përgjatë akseve Fier-Vlorë dhe Fier-Lushnjë, ndërsa vijon krehja e zonës për kapjen e autorëve.
Grupi hetimor ndodhet në vendngjarje dhe, nën drejtimin e prokurorisë, po punon për dokumentimin e plotë të rrethanave të ngjarjes dhe mbledhjen e provave materiale që do t’i shërbejnë hetimit.
“Rreth orës 14:00, në vendin e quajtur “Mbikalimi i Dërmënasit”, në rrethana ende të paqarta, është plagosur me armë zjarri shtetasja S. M.
Nga hetimet paraprake dyshohet se autorë janë shtetasit A. C., 66 vjeç dhe A. C., 23 vjeç, banues në Dërmënas (babë e bir), të cilët janë shpallur në kërkim”, njofton policia.
i.b./dita
Trimat e Xha Jahos…luftë me një grua!! Në kët rast duhet të zbatohet kanuni.. Të digjen, të piqen e të hidhen në detë si ushqim për peshkaqenët!