Dhjetëra banesa në disa qytete janë kontrolluar në kërkim të 42 vjeçarit Klered Bozhani, i cili një natë më parë ka qëlluar dhe plagosur një nga efektivët e policisë në Tiranë.
Por nuk la ende asnjë gjurmë nga protagonisti i ngjarjes së ndodhur në rrugën “Hysen Xhura”.
Banesat e kontrolluara janë në qytetet Tiranë, Elbasan, Durrës dhe Vlorë.
Policia tha se do të vijojnë kontrollet intesive, deri në kapjen e tij. Është vendosur edhe një shpërblim prej 20 000 euro, për çdo informacion të vlefshëm, që do të çojë në lokalizimin e 42 vjeçarit që përshkruhet si i rrezikshëm dhe depresiv.
Drejtoria Vendore e Policisë Tiranë, ka njoftuar se nëse dikush e sheh apo dëgjon informacione rreth tij, duhet të telefonojë në numrin e telefonit 069 41 11 546, duke garantuar anonimatin e plotë të çdo telefonuesi.
