“The Telegraph” ka sjellë sërish në vëmendje çështjen e emigracionit të paligjshëm. Organizatat kriminale shqiptare që përdorin rrjetin social si “Tik Tok”, duket se kanë ulur çmimet për kalimet e emigrantëve, madje tani përdorin emrin e personazhit televiziv më të njohur të momentit.
Kontrabandistët po përdorin mediat sociale për të vijuar trafikun e klandestinëve drejt Britanisë, edhe pse kuadri ligjor është ashpërsuar.
Bandat e kontrabandës së njerëzve po përdorin emrin me hashtag të Luiz Ejllit, një tip i emisionit Big Brother në Shqipëri, në përpjekje për të gjeneruar trafik në faqet e tyre në TikTok.
Duke përdorur #luizejlli, një reklamë në TikTok në fillim të kësaj jave përdor një foto në sfond të një varke shpëtimi RNLI që zbarkon emigrantët e shpëtuar nga Kanali në Dover dhe u thotë klientëve të mundshëm: “Për të gjithë shqiptarët që janë në Francë. Kontaktoni DM [mesazh direkt]. Çmimi 3000 £. Kalimi nesër.”
I pyetur nga një gazetar, që u shtirr si klandestin se cili ishte çmimi për dy të rritur dhe një fëmijë gjashtë vjeç, anëtari i bandës u përgjigj: “6000 £, falas për fëmijën”.
I pyetur për mundësinë e deportimit në Shqipëri, kontrabandisti përgjigjej: “Askush nuk do t’ju kthejë [në Shqipëri]. Ata do t’ju mbajnë vetëm 48 orë në paraburgim dhe më pas do t’ju dërgojnë në hotele.
Vitin e kaluar, shqiptarët përbënin 28 për qind të 45,755 personave që mbërritën me gomone vitin e kaluar.
Një zëdhënës i Home Office tha: “Ne vlerësojmë kontributin e komunitetit shqiptar në shoqërinë britanike. Megjithatë, kemi parë një numër të madh shqiptarësh që rrezikojnë jetën e tyre duke bërë udhëtime të rrezikshme dhe të panevojshme me mjete ilegale. Kjo është arsyeja pse ne nënshkruam një marrëveshje me qeverinë e Shqipërisë për të përgjuar kontrabandistët e njerëzve dhe për të përshpejtuar largimin e atyre që nuk kanë të drejtë ligjore për të qenë në Mbretërinë e Bashkuar, po funksionon qartë”.
j.l./ dita
