Një 28-vjeçar është arrestuar në Tiranë në kuadër të operacionit policor të koduar “Multiple”.
I riu kishte thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Shtetasi E. D. është kapur nga shërbimet e Policisë, jashtë banesës së tij, nga e cila kishte dalë në kundërshtim me vendimin e Gjykatës, e cila i ka caktuar masën e sigurisë “Arrest në shtëpi”, për veprën penale “Prodhimi dhe shitja e narkotikëve”. Gjatë kontrollit fizik dhe kontrollit në banesën e tij, shërbimet e Policisë gjetën dhe sekuestruan doza lënde të dyshuara narkotike kanabis dhe kokainë.
Ndërkaq, ky shtetas vinte baste sportive me anë të celularit të tij. Në cilësinë e provës materiale, policia sekuestroi doza kanabisi dhe kokaine, si dhe celularin e tij.
p.k\dita
