Dan Hutra, para se të shkonte në banesën e ish-partneres dhe të hapte zjarr, fillimisht ka plagosur me thikë të ish- të dashurën e tij në Astir. .
Mësohet se gruaja është Marjana Gurakuqi, 40 vjeçe.
Ajo ka pohuar para policisë se u godit me mjetin prerës nga Dan Hutra.
Sipas dëshmisë, 40-vjeçarja ka deklaruar se me të ka njohje të mëparshme. Sipas saj, Hutra i shkoi në biznesin e saj në Astir dhe i kërkoi para.
Mariana Gurakuqi deklaron se herë pas here, Dan Hutra i merrte para borxh. Edhe sot kërkoi të njëjtën gjë, por 40-vjeçarja refuzoi t’ia jepte. Për këtë arsye, Dan Hutra e plagosi me thikë dhe u largua.
Mariana Gurakuqi nuk e denoncoi ngjarjen, por pasi shkoi në spital për mjekim kanë qenë mjekët ata të cilët lajmëruan efektivët.
40-vjeçarja ndodhet jashtë rrezikut për jetën.
Autori i dyshuar është shpallur në kërkim dhe vijon puna për kapjen e tij.
Tiranë/Informacion paraprak
Më datë 01.03.2023, rreth orës 12:15, është paraqitur për të marrë ndihmë mjekësore në spital, shtetasja M. G., 40 vjeçe, e dëmtuar me mjet prerës, e cila ndodhet jashtë rrezikut për jetën.
Dyshohet se kjo shtetase është dëmtuar me mjet prerës, në zonën e quajtur “Astiri”.
Po punohet për identifikimin dhe kapjen e autorit të dyshuar.
o.j/dita
