Një tjetër incident ku janë përfshirë sërish të mitur është regjistruar këtë herë në Korçë.
Sipas të dhënave dy 12 vjeçar janë konfliktuar me njëri-tjetrin teksa luanin futboll në fshatin Bulgarec. Gjatë sherrit, njëri prej 12 vjeçarëve ka goditur tjetrin me gur, duke i shkaktuar atij plagë të lehta.
I mituri i dëmtuar është dërguar në spital dhe ndodhet jashtë rrezikut për jetën, teksa tjetri së bashku me prindin është dërguar në komisariat për sqarime të mëtejshme.
Ngjarja në Korçë vjen vetëm një ditë pas tragjedisë në hyrje të shkollës “Fan Noli” në Tiranë, ku një 14 vjeçar humbi jetën pasi u godit me thikë nga një bashkëmoshatar.
i.b./dita
