Sot do të zbulohet fituesi i “Topit të Artë” 2025. Kandidatët kryesorë janë Ousmane Dembélé (PSG) dhe Lamine Yamal (Barcelona). Ndërkohë, CIES ka publikuar një renditje statistike të 100 lojtarëve më të mirë në botë, duke analizuar performancën në 6 drejtime: kohën në fushë, nivelin sportiv dhe rezultatet e ndeshjeve.
Sipas CIES, Yamal kryeson listën, duke pasur ndikim të qëndrueshëm dhe të plotë gjatë sezonit. Pas tij renditen Mbappé dhe Pedri, ndërsa Dembélé ndodhet në vendin e 7-të, i parakaluar edhe nga Van Dijk, Olise dhe Salah. Achraf Hakimi është i 9-ti, përpara Vinicius Jr që mbyll “top 10”-shen.
Edhe pse statistikat favorizojnë Yamal, vendimi përfundimtar i “Topit të Artë” 2025 varet edhe nga ndikimi në momentet kyçe dhe njohja ndërkombëtare, ndaj Dembélé mbetet favoriti kryesor. Gala-ja e sotme e Parisit do të zbulojë se kush është pasuesi i Rodrit në çmimin prestigjioz të “France Football”.
j.l./ dita
