Gjykata e Posaçme (GJKKO) ka veçuar çështjen për ish-kryeprokurorin e Vlorës, Aurel Zarka nga të pandehurit e tjerë që ndodhen në kërkim, Astrit Vladi, Erjona Daupaj dhe Radovan Çela.
Gjithashtu togat e zeza kanë pranuar kërkesën e Prokurorisë së Posaçme për kalimin e tij në gjykim.
Ish-kryeprokurori i Vlorës, i cili është marrë i pandehur për korrupsion dhe ushtrim ndikimi, paraqiti kërkesën për gjykim të shkurtuar.
Në këto kushte, gjyqtari Erjon Çela vendosi të njoftojë Kryetarin e Gjykatës për plotësimin e trupit gjykues me dy anëtarë të tjerë.
Nga ana tjetër, GJKKO ndau veç dosjen ër tre personat e tjerë, mes të cilëve ish-oficerja e BKH-së, Erjona Daupaj, avokati Radovan Çela dhe Astrit Vladi për shkak se nuk janë arrestuar ende nga policia dhe vijojnë të jenë në kërkim.
Ndërkohë është pezulluar gjykimi ndaj 3 të pandehurve për një periudhë kohore 1 vit, për shkak se nuk u bë i mundur njoftimi personalisht i këtyre të pandehurve për tu paraqitur në seancë paraprake.
j.l./ dita
