Elon Musk ka sulmuar senatorin amerikan Mark Kelly, duke e etiketuar si “tradhtar” pas vizitës së tij të fundit në Ukrainë.
Kjo bëri që një debat i ashpër të shpërthente mes miliarderit dhe politikanit demokrat në SHBA.
Mark Kelly, senator nga Arizona dhe ish-pilot luftarak i marinës amerikane, realizoi vizitën e tij të tretë në Kiev këtë muaj, ku u takua me ushtarë të plagosur dhe zyrtarë ukrainas. Pas kthimit, ai shkroi në platformën X: “Ajo që pashë më dëshmoi se ne nuk mund të heqim dorë nga populli ukrainas.”
Ai gjithashtu bëri thirrje për dhënien e garancive ë sigurisë për Ukrainën në çdo marrëveshje paqeje.
“Asnjë marrëveshje nuk mund të bëhet në dëm të sigurisë të Ukrainës”, tha Kelly.
Elon Musk, i cili është gjithashtu drejtues i Departamentit të Efikasitetit të Qeverisë, nën administratën Trump, reagoi ashpër në X.
“Ti je një tradhtar”, iu drejtua Musk senatorit.
Kelly iu përgjigj: “Tradhtar? Elon, nëse nuk e kupton se mbrojtja e lirisë është një parim bazë i asaj që e bën Amerikën të madhe dhe na mban të sigurt, mbase duhet t;ua lësh atyre që e kuptojnë. Nuk je një djalë serioz”.
Përplasja ndodhi pas një sulmi kiberneti ndaj platformës X, për të cilën Musk tha se u organizua nga territori ukrainas.
j.l./ dita
