Policia e Shtetit, në bashkëpunim me partnerët turq, po zhvillon hetime të thelluara për trafikimin e lëndës narkotike kanabis nëpërmjet aeroportit të Rinasit.
Uniformat blu bëjnë me dije se janë arrestuar 2 shtetas turq të cilët transportonin lëndë të dyshuar kanabis nga aeroporti i Rinasit në drejtim të aeroportit të Stambollit.
“Policia e Shtetit, në bashkëpunim me partnerët turq dhe agjencitë ligjzbatuese shqiptare dhe ato turke, po vijon hetimin e thelluar, për të identifikuar dhe për të vënë përpara përgjegjësisë të gjithë autorët e trafikimit të lëndëve narkotike. Janë marrë masa konkrete për të koordinuar punën me autoritetin doganor dhe TIA, në drejtim të kontrollit të përbashkët, me qëllim parandalimin e trafiqeve të paligjshme nga aeroporti i Rinasit”, thuhet në njoftimin e Policisë.
o.j/dita
