Lideri suprem i Iranit, Ayatollah Ali Khamenei, ka vendosur të falë qindra protestues, të burgosur e të dënuar gjatë protestave anti-qeveritare.
Lajmin e bëri të ditur agjencia shtetërore e lajmeve IRNA këtë të dielë, pas protestave që edhe këtë fundjavë zbritën në shesh mijëra demonstrues kundër qeverisë.
Por falja nga ana e liderit Khamenei, erdhi me disa kushte, të cilat nga media shtetërore nuk u publikuan. Por Khamenei kërkon falënderime për lirimin e faljen e qindra protestuesve.
Por mediat vendase, nisur edhe nga fjalimi i Khameneit, saktësojnë se protestuesit të arrestuar e akuzuar për korrupsion, nga të cilët 4 janë ekzekutuar tashmë me vdekje, nuk do të falen por do të vuajnë burgim të përjetshëm.
Po ashtu, falje nuk do të ketë as për të burgosurit e arrestuar nën akuzat e spiunazhit për agjencitë e huaja apo ato të lidhur me grupe armiqësore ndaj Republikës Islamike.
Vetëm gjatë protestave të janarit në vend, janë arrestuar thuajse 20 mijë protestues, për të cilët autoritetet i akuzojnë për bashkëpunim me armiqtë a huaj. Nga të burgosurit, 500 kanë humbur jetën, përfshirë këtu edhe 70 të mitur.
