Daily Mail i ka bërë jehonë lajmit tronditës nga Kosova, ku një infermiere e një shtëpie kujdesi për të moshuarit në Pejë u filmua teksa rrihte me shuplaka një grua të moshuar.
Teksa poston videon që bëri bujë në mediat sociale shqiptare, Daily Mail citon policinë kosovare në lidhje me arrestimin e infermieres që kryente aktin e rëndë dhe punonjëses tjetër e cila e filmonte.
“Ky është momenti tronditës kur një e moshuar në një shtëpi të kujdesit në Kosovë është goditur vazhdimisht nga një infermiere. Në pamjet e shpërndara në rrjetet sociale, punëtorja në rezidencën e të moshuarve Orenda, në Pejë, mban gruan nga duart dhe e godet disa herë me shuplakë.
Në video shihen edhe dy gra të tjera, njëra prej të cilave filmon momentin e rëndë teksa qesh. E moshuara duket se është në gjendje të rëndë, pasi është sulmuar nga punonjësja.
Pas ngjarjes, infermierja dhe një punonjëse e shtëpisë u arrestuan. Punonjësja u arrestua pasi nuk e kishte raportuar sulmin në polici. Në një deklaratë, Policia e Kosovës tha se në bazë të regjistrimit që qarkullon në rrjetet sociale, zyrtarët kanë identifikuar lokacionin dhe kanë arrestuar personat e dyshuar sit ë përfshirë.
Në një reagim ndaj incidentit, Xhelal Svecla, ministri i Brendshëm të Kosovës, tha se veprimet janë edhe më të rënda kur ato ndodhin në një mjedis që duhet të ofrojë ndihmë dhe kujdes”, shkrruan Daily Mail.
j.l./ dita
Jehone se shqiptaret vetem me lajme te keqija bejne jehone ne Angli.