Presidenti i Shteteve të Bashkuara të Amerikës, Donald Trump, bisedoi me kryeministrin e Japonisë, Shigeru Ishiba, rreth bashkëpunimit në zhvillimin e teknologjisë për sistemin e tij të planifikuar të mbrojtjes kundër raketave “Golden Dome”, njoftoi kompania mediatike japoneze “Nikkei”.
Të dy vendet pritet të punojnë së bashku në sisteme për të kapur kërcënimet hyrëse, dhe pjesëmarrja e Tokios mund të shërbejë për të fituar lëshime në negociatat doganore në vazhdim me Uashingtonin, tha Nikkei, pa cituar burimet e saj.
Zyra e Buxhetit të Kongresit vlerësoi se “Kupola e Artë” mund të kushtojë 831 miliardë dollarë.
Japonia dhe SHBA-të kanë bashkëpunuar më parë në mbrojtjen nga raketat balistike, duke përfshirë zhvillimin e përbashkët të një interceptori të aftë për të goditur kokat bërthamore në hapësirë.
i.b./dita
