Lihen në burg dy zyrtarët e Ministrisë së Financave dhe përmbaruesi, të cilët akuzohen se kanë shpërdoruar detyrën dhe i kanë shkaktuar shtetit një dëm prej 1.2 milionë eurove.
Prokuroria e Tiranës zbuloi se Arlind Gjokutaj, Sekretar të përgjithshëm të ministrisë së Financave, Fatmir Hoxha, Drejtor i Shërbimeve mbështetëse dhe çështjeve ligjore dhe Alban Ruli përmbarues privat shpërdoruan detyrën dhe kompensuan për privatizimin e një ndërmarrjeje shtetërore, pavarësisht se ishte paguar dhe herë tjetër, një person të identifikuar si Ilir Thana, i cili u arrestua në dhjetor të vitit 2022.
Sekretari i përgjithshëm i Ministrisë së Financave, Arlind Gjokutaj nuk u paraqit në seancë, pasi sipas avokatëve të ai ka shfaqur probleme kardiake në izolim, dhe më pas është transportuar në spital.
Ndërkohë avokatët kanë kërkuar kohë për t’u njohur me dosjen.
Në seancë kanë qenë të pranishëm vetëm drejtori i personelit në Ministrinë e Financave, Fatmir Hoxhaj dhe Alban Ruli, përmbarues.
Sipas prokurorisë, këta shtetas kanë vepruar duke pranuar shpërblimin e shtetasit Ilir Thana, në vlerën e rreth 82.000.000 lekëve, nga të cilat 50.000.000 lekë të kaluara në llogarinë e këtij shtetasi duke e trajtuar si pronar pa qenë në këtë status, si dhe duke ekzekutuar për herë të dytë një vendim gjyqësor të ekzekutuar nga Ministria e Financave në vitin 2015.
j.l./ dita