Trupi i pajetë i Edison Oruqit, i cili rezultonte i zhdukur prej 5 ditësh, është gjetur në lumin e Shalës, në Koman.
Familjarët e tij kanë kryer kontrolle përgjatë lumit të Shalës paraditen e sotme dhe kanë gjetur trupin e pajetë të babait të 3 fëmijëve.
Ata kërkojnë ndihmën e Policisë dhe polumbarëve për nxjerrjen e kufomës nga lumi, pasi e kanë të pamundur për shkak të rrjedhes së ujit.
Babai i 3 fëmijëve u zhduk në mënyrë misterioze paraditen e se shtunës. Ai kishte shkuar për të punuar në një bujtinë, por humbi gjurmët.
Dyshohet se personi që e kishte punësuar Edison Oruqin, pas pune e kishte lënë në një gadishull të vogël me rërë dhe jo në destinacion sepse aty nuk arrinte varka.
j.l./ dita
