Ushtaret femra izraelite do të ndalohen të shërbejnë si roje burgu të sigurisë së lartë pas akuzave për seks me një të burgosur palestinez.
Mediat izraelite thonë se një ushtar pranoi se kishte intimitet fizik me një palestinez që thuhet se kishte kryer një sulm vdekjeprurës ndaj civilëve izraelitë.
Gruaja mendohet se ka qenë në shërbimin ushtarak, i cili është i detyrueshëm për shumicën e izraelitëve. Gratë duhet të shërbejnë për të paktën dy vjet dhe burrat për 32 muaj.
Emri i ushtarit dhe i të burgosurit që vuan dënimin e përjetshëm nuk bëhet i ditur – citon DITA një lajm të BBC referuar mediave lokale.
Gjykata që shqyrtoi çështjen urdhëroi që detaje të tjera, përfshirë vendndodhjen e burgut, të mos zbuloheshin.
Mediat izraelite raportuan gjithashtu se gjatë marrjes në pyetje, ushtari, i cili është arrestuar pretendoi se katër gra të tjera kishin pasur gjithashtu marrëdhënie intime me të njëjtin burrë.
I burgosuri palestinez u transferua nga qelia e tij në një krah të veçuar përpara marrjes në pyetje, tha Shërbimi i Burgjeve të Izraelit (IPS).
Të premten, shefi i IPS-së Katy Perry dhe ministri i Sigurisë Kombëtare Itamar Ben- Gvir njoftuan se ushtarët femra nuk do të shërbenin më në burgjet e sigurisë së lartë që mbajnë “terroristët” palestinezë.
Mediat izraelite cituan Ben-Gvir të thoshte se deri në mesin e vitit 2025 “asnjë grua e vetme ushtare nuk do të mbetet në krahët e të burgosurve të sigurisë”.
Ka pasur thirrje të përsëritura që shërbimi i ushtareve femra izraelite në burgjet izraelite të sigurisë së lartë të ndërpritet. Megjithatë, më parë këto ngecën për shkak të mungesës së stafit për t’i zëvendësuar.
Vitin e kaluar, ministrat izraelitë urdhëruan një hetim pas një skandali në një burg, në të cilin pretendohej se të dënuarit palestinezë kishin sulmuar dhe përdhunuar ushtaret femra që shërbenin si roje burgu dhe se disa oficerë të lartë burgu kishin “mashtruar” rekrutët.
p.c. / dita
