Myrto Uzuni lider padiskutueshëm i Granadas në LaLiga2. Sulmuesi shqiptar, i cili kryeson listën e golashënuesve në këtë kampionat, realizoi në minutën e 22-të në sfidën me Alavesin në transfertë nga pika e bardhe e penalltisë. Meritë krejtësisht e “bomberit” beratas, që e fitoi vetë 11-metërshin, duke e detyruar portierin kundërshtar t’i ndërhynte në mënyrë të gabuar. Për Uzunin është goli i 22-të në kampionat.
Me epërsinë minimale të Granadas (me fitore ngjiten në vendin e parë) u mbyll pjesa e parë. Në pjesën e dytë Alaves u kundërpërgjigj me Riojan në minutën e 66-të, ndërsa pak para fundit humbi 11-metërsh për vendësit Sevilla. Pak çaste me vonë Duarte u ndëshkua me kartonin e dytë të verdhe (më herët ishte Ruiz i Granadas që kishte lënë fushën i ndëshkuar me të kuq). Përfundimisht barazim 1-1, me Granadan që ruan vendin e dytë me pikë të barabarta me Alaves, por mund të parakalohet nga Levante dhe Las Palmas.
