Ditën e sotme do të kryhet ceremonia mortore për Kryepeshkopin Anastas Janullatos, pas mbarimit të Liturgjisë Hyjnore, që do të drejtohet nga Bartolemeu, i pari i ortodoksëve në botë.
Kryepeshkopi do të prehet në ambientet e Katedrales “Ngjallja e Krishtit”, amanet i lënë prej tij. Klerikët do të mbajnë meshë përshpirtjeje me turne e pa ndërprerje deri nesër, kur trupi i kryepeshkopit do të vendoset për t’u prehur në kriptën e nëndheshme, brenda Katedrales.
Mitropoliti i Korçës, Imzot Joan, i cili u zgjodh nga Sinodi i Shenjtë i Kishës Ortodokse Autoqefale si pasardhës i përkohshëm, do të drejtojë ceremoninë mortore.
Për varrimin e Kryepeshkopit Anastas pritet të vijnë figura të larta të klerit në botë dhe jo vetëm ato të Kishës Ortodokse.
Një delegacion pritet nga Vatikani me në krye Sekretarin e Shtetit, Pietro Parolin. Kryeministri grek, Kyriakos Mitsotakis, po ashtu do të jetë i pranishëm me një delegacion të gjerë nga Athina, përfshirë 5 ministra të kabinetit të tij qeveritar.
Do ketë fjalime nga klerikë e politikanë, mes tyre edhe dy Kryeministrat Rama e Mitsotakis.
Në ceremoni do të marrë pjesë Patriarku i Kostandinopojës, Bartolomeu, Patriarku i Izraelit Theofili i Jerusalemit, Kryepeshkopi i Greqisë Jeronimi, Patriarku i Qipros, i Aleksandrisë; i Bullgarisë, i Rumanisë, etj.
Gjithashtu, në ceremoni priten Kryepeshkopi polak dhe klerikë nga Polonia, drejtues të “Saint Egidio” në Itali; delegacion nga Këshilli Botëror i Kishave (institucion që përfshin të gjitha kishat, katolike, protestante apo ortodokse), përfaqësues nga unioni ‘Fetë për Paqen’, një delegacion nga kishat e Shteteve të Bashkuara të Amerikës etj.
Prej dy ditësh në katedralen “Ngjallja e Krishtit” në kryeqytet janë mbajtur homazhet, ku kanë marrë pjesë dhe qindra besimtarë.
Kryepeshkopi Anastas Janullatos u nda nga jeta në orët e para të mëngjesit të 25 janarit.
Ai ndodhej prej 30 dhjetorit të 2024-ës i shtruar në spital, fillimisht në Tiranë për shkak të një viroze. Më pas gjendja e tij u përkeqësua dhe ai u dërgua në Athinë më 3 janar, ku edhe ndërroi jetë.
j.l./ dita
Këta klerikët e ardhur nga jashtë apo që janë imponuar së pari kanë ba provokacion ndaj atyre besimtarëve që për ata kan ishin të huaj dhe mbetja e tyre deri në vdekje në fletë shumë
Mire edhe amaneti i vet Anastasit u realizua,por per pasojat e keti varri ,ka menduar dikush nga strukturat e shtetit tone?Do te kete vizita,pelegrinazh,do hyje qeni dhe dosa (fatkeqesisht jo per mire) do thone greket ,gjithmone sipas te drejtes nderkombetare se: kufijt viren ku eshte nje shkemb,ku eshte nje perrua,maje mali,objekt fetar kishe xhami ,tyrbe tek nje varr i nje ushtari te panjohur….i ka ekspertet Atdheu yne per te kuptuar prapavijat e ketyre rasteve ,qe demtojne dhe sjellin rrezik per Shqioerine tone te mjere ,qe kolaboracionalistet ,palacot po e nxjerrin ne ankand publik?Verte kaq te cmendur deri ne kete nivel e kane udhehequr Atdheun tone pas vitit 1990?..Ngrencin kokat e tyre te gjithe ata qe falin troje qe lejojne gjoja te nje emri “demokrai” behen kaq shume zemer gjere.Gjarperijt po shesin ATDHEUN….
Po keta qe po vijne per kete ceremoni mortore, do te numerohen nga qeveria si turiste? Kjo ka me shume rendesi se fjalet e tjera per kete qeveri!
Udheheqesit shqiptare te cdo partie jane antishqiptare plehra qe koha dhe brezi i ardheshem do ti denoje,harrame te nenes se shkrete Shqiperi!