Një tjetër ‘bombë’ merkatoje nga Londra, teksa blutë e Chelsea vijojnë shpërbërjen si ekip. Mesfushori Mason Mount po largohet për në Manchester United, në këmbim të 70 milionë eurove, sipas ‘The Athletic’.
Ka pasur një marrëveshje mes të gjitha palëve dhe lojtari i ri do të mbajë të kuqe sezonin e ardhshëm. Anglezi, i cili është një nga talentet e mëdha të futbollit britanik, është bërë sakrifica e fundit nga skuadra londineze, e cila vazhdon të pastrojë skuadrën pas një prej sezoneve më të këqija në historinë e fundit. Pas Havertz, Kante apo Koulibaly, lojtari i skuadrës së të rinjve ka marrë lejen nga klubi londinez, për të kaluar testet përkatëse mjekësore.
Ai po përballej me vitin e fundit të kontratës dhe të gjitha informacionet tregonin se lojtari nuk ishte i gatshëm të rinovonte, kështu që klubi do të kishte vendosur ta shiste për ta penguar që të bëhej lojtar i lirë në fund të sezonit.