Kryeministri i Kosovës Albin Kurti gjatë një interviste televizive ka deklaruar se së shpejti dhe në Kosovë do të fillojë zbatimin reforma në Drejtësi. Kurti tha se ka udhëzuar ministren e Drejtësisë që të ndjekë në mënyrë të përpiktë të gjitha gabimet e Vettingut të bërë në Shqipëri, në mënyrë që në Kosovë të ketë një aplikim sa më efikas.
Kryeministri Kurti theksoi ndër të tjera se ndryshe nga Shqipëria, reforma në drejtësi duhet të përfshijë dhe konfiskimin e pasurive të gjyqtarëve dhe prokurorëve të korruptuar.
“Unë mendoj se ja ka vlejtur procesi i Vetingut në Shqipëri, por të gjitha defektet do të duhet të evidentoheshin. Në seancën e fundit të parlamentit të Kosovës ne porsa e kaluam në lexim të dytë projekt ligjin për konfiskimin pasurive të pa justifikuat a pra nuk është problem vetëm pasuria e paligjshme por edhe e pajustifikueshme sepse nuk mund të kesh të ardhura të ulëta ndërkohë pasuri marramendëse.
Padyshim konfiskim. Ne nuk synojmë të zëvendësojmë prokurorët apo gjykatësit sepse në Kosovë ka njerëz që kanë zhvatur me dekada nuk janë as prokurorë as gjykatës. Para se të vinim ne në qeveri ka qenë një parullë cinike për punonjësit shtetërorë thonin rroga e vogël fitim i madh kjo rroga e vogël e fitim i madh ka marrë fund me neve.
Vetëm në vitin e kaluar kemi patur 854 operacione policore kemi arrestuar 3201 persona për korrupsion e krim prej tyre 301 janë zyrtarë shtetërorë. Kemi konfiskuar mbi 1.8 tonë substancë narkotike kemi shkatërruar 69 grupe kriminale dhe 5 laborator të drogës në veri të Kosovës. Ne jemi polici por rendi është që edhe prokurorët dhe gjyqtarët të jenë efikas”, u shpreh Kurti.
m.b./dita
