Anëtarët e Këshillit të Lartë të Prokurorisë janë bashkuar në një drekë, ku i kanë pritur me iso labçe.
Grupi polifonik ka patur një dedikim special për secilin nga krerët e drejtësisë, duke nisur nga prokurori i Përgjithshëm Olsian Çela, te kreu i SPAK, Altin Dumani, apo kreu i KLP, Alfred Balla.
Grupi në fjalë u ka kënduar krerëve të drejtësisë së re, ku ndër rrjeshta thuhet: “Si rrebeshi e si tufani na shfaqet Altin Dumani. Altini mbron të vërtetën, për peshqit ka hedhur rrjetën”.
Dedikime edhe për Tartar Bazajn, Nurihan Seitin, Bujar Sheshin, Sokol Stojanin, Eloida Goxhin, Zeqir Hodën apo Arta Mandron.
Teksti i këngës:
Labçe do ta ngrëmë dollinë
Për të gjithë yjet që ndrinë,
që janë ul në tavolinë
Për qejf të zotit Tartar(ë)
edhe shkurti po bën behar
Se i ka vlerat e rralla
në krye rri Alfred Balla
Trapezën sot na e ndriti
sa vjen Nurihan Seiti
Gur i rëndë e burrë tabani
djalë i Çelë është Olsiani
Është nipi i Ago Felekut,
flamur në majë të direkut.
Për ligjin zbret si rrebeshi
ekspert i rrallë Bujar Sheshi.
Si rrebeshi, si tufani
na shfaqet Altin Dumani.
Altini mbron të vërtetën,
për peshqit ka hedhur rrjetën.
Shikon nëpër kabinete,
ata që bëjnë qeramete.
Po këtu është dhe Aida,
në ballë të kohës plot sfida.
Vajzë e zgjedhur nga Lekdushi,
shpërthen flaka, kërcet prushi.
Unazë me gurë xhevahiri,
ku ka vënë dorën Zeqiri.
Këtu ku ndodhet Stojani,
për të ka nevojë vatani.
Ku rri toka, është ekspert
dhe kur qesh edhe kur flet…
Urojnë urimet e zjarrta,
bijë e Vlorës mbetet Arta.
Arta e Sinan Balilit,
ta deh si hëna pranë yllit