Kanë dal pamjet e arrestimit të Imer Krashit, personit që paraditen e kësaj të diele ishte protagonisti një ngjajre të rrezikshme në kryeqytet.
Një ndjekje e rrezikshme policore është zhvilluar mesditën e së dielës në Tiranë, ku 31-vjeçari me precedent të theksuar kriminal Imer Krashi ka refuzuar të ndalojë dhe ka tentuar t’i shpëtojë policisë, duke përplasur në rrugë 9 automjete dhe 1 motomjet, përpara se të arrestohej nga Forca e Posaçme “Shqiponja”.
Automjeti i tij rezultonte me targa gjermane dhe është ndaluar gjatë një kontrolli.
Ngjarja ndodhi rreth orës 12:30 në zonën e Liqenit të Thatë, pasi shërbimet e Policisë kishin marrë informacion se një automjet po qarkullonte në drejtim të TEG-ut, dhe drejtuesi i tij dyshohej se ishte i armatosur. Pas ndalimit për verifikim, drejtuesi i mjetit, Imer Krashi, 31 vjeç, refuzoi urdhrin e policisë për kontroll dhe u largua me shpejtësi të madhe, duke rrezikuar seriozisht jetën e efektivëve që po komunikonin me të.
Policia u vu menjëherë në ndjekje të tij. Gjatë arratisë, për shkak të trafikut të rënduar, 31-vjeçari përplasi 10 mjete, mes tyre edhe një motomjet ku udhëtonin një efektiv policie jashtë shërbimit, E. R., 52 vjeç, dhe bashkëshortja e tij, O. R., 46 vjeçe. Të dy u dërguan në spital dhe ndodhen jashtë rrezikut për jetën.
Pas një ndjekjeje intensive, policia arriti të neutralizojë dhe ndalojë automjetin dhe drejtuesin e tij, i cili rezultoi me disa identitete si, Imer Krashi., Imer Masha dhe Imer Uka. Gjatë kontrollit të mjetit u gjet dhe u sekuestrua një armë zjarri tip pistoletë.
Ai konsiderohet me rrezikshmëri të lartë shoqërore dhe ka pasur më herët precedentë të shumtë penalë.
j.l./ dita
E pyt vllai me qetesi pa marre asnje mase:
“Arme ke?!”
Sikur po e pyt a ke çakmak plako?!
Futjani koken tek zinxhiri I tankut ketij hunderrit se atij i paskan ikur bletet dhe nuk I bejne syte drite per asnje gje.
Kapen perdite,denohen perdite,por ne vend qe te paksohen,shumzohen.
Keta frike nuk kane Burgun,Kane Punen. Nderto o Shtet nje Galeri Kromi per keta dhe fitimet e Kromit te ketyre perdori per t`i ushqyer.Pse ti mbajne taxapaguesit burgjet!?
Shqipëria vazhdon të jetë plot me kriminelë dhe të çmendur. Njerëz të rrezikshëm. Ndryshe për hapjen e galerive të kromit për të punuar kriminelët nuk na lë Europa. Dhe Edi Rama dëgjon më shumë të huajt se shqiptarët. Për kriminelët: tre vakte të ngrohta në ditë, televizor dhe celular. Sport dhe lojë me letra gjithë ditën!
@xhaxhi
ne ate vend kane mbetur vetem kriminelet dhe pleqt.
I nderuar “xhaxh moderatori” nuk te le Europa per galeri se shkelen te drejtat e te denuarit! Galeri te tilla kishte Enveri qe s’kemi lene gje pa thene per te, une i pari!