Kamerat e kapën sot ish-kryeministrin non grata Sali Berisha me celular në dorë, i fokusuar në portalin Prapaskena, duke lexuar versionin anglisht të një shkrimi me titullin “Rinas-Karakas, linja ajrore e trushkulurve”.
Nga pamjet duket qartë se ai po ndiqte me vëmendje artikullin, i cili është një koment satirik që e vendos opozitën shqiptare në kontekstin e ngjarjeve globale.
Teksti tallet me iluzionet e atyre opozitarëve që interpretojnë ngjarjet e fundit ndërkombëtare sikur Shqipëria të jetë qendra e politikës së jashtme amerikane. Ata kanë aluduar se nëse forcat amerikane kapën Nicolás Maduro në Venezuelë, pse të mos zbresin ditën tjetër në Rinas për të kapur Ramën.
Artikulli shkruan ndër të tjera se në rrjetet sociale të opozitës berishiste po festohet sikur FBI-ja ka marrë biletë vajtje-ardhje për Tiranë dhe superfuqia globale është reduktuar tashmë në Uber-in e Sali Berishës.
“…Se ç’lidhje ka Shqipëria me Venezuelën, këtë e dinë vetëm trushkulurit tanë. Ato mendojnë se Trump-i paska thënë: ‘Lëreni naftën, lëreni kartelet, lëreni interesin strategjik. Shkoni dhe shpëtoni Sali Berishën, Adriana Kalanë dhe Klevis Balliun nga depresioni politik, se do na destabilizohet gjithë Ballkani…’” – shkruan artikulli.
Pamjet e sotme shkaktuan ilaritet. Jo vetëm për faktin që Berisha po lexon vetë artikullin ku e quajnë trushkulur, por edhe sepse gazetari dhe botuesi i Prapaskenës, Adriatik Doçi, është bërë objekt i sulmeve të tij politike pas këtij momenti.
Berisha e ka quajtur publikisht Doçin “shpifës” dhe “gazetar të Linda Ramës”.
Për më shumë ndiqni VIDEON:
o.p. / dita
