Pamje të reja kanë dalë nga dhuna që shpërtheu në stadium pak para fillimit të ndeshjes së mbrëmshme Shqipëri-Poloni.
Në pamje e mara nga lart duket qartë si tifoza të zemëruar polakë tentojnë të futen nga pjesa e stadiumit e caktuar për ta, në pjesën ku ndodhen tifozët vendas.
Sherri ka qenë masiv dhe ka zgjatur gjatë. Përpjekjet e para të Policisë kanë qenë të paefektshme dhe për këtë arsye është dashur të thirren përforcime.
Dhuna është ndalur me dhunë. Shkopinjtë e gomës dhe krijimi i një kordoni sigurie kanë ndaluar përleshjet.
Tifozët kanë shkulur stolat e stadiumit që fluturonin sa nga njëra anë në tjetrën.
Policia ka zbrazur më pas rreshtat anësorë të dy tribunave ngjitur duke krijuar një zonë sigurie mes dy tifozerive.
Në njërën nga dy videot e mëposhtme publikuar nga DITA shihet fillimi i sherrit dhe agresiviteti i tifozëve polakë, ndërsa në videon e dytë shihet ndërhyrja e policisë me forca të shtuara:
p.c/dita