Luigj Gurakuqi është një nga personalitetet më të shquara të levizjes sonë kombëtare, arsimore e kulturore në fundin e Rilindjes Kombëtare dhe të fillimeve të Pavarësisë duke përjetuar ngjarjet më kulmore të jetës së vendit në çerekun e parë të shekullit në shumicën e të cilave në mos organizator, qe pjesëmarrës i drejtpërdrejtë.
Ai ishte një nga viktimat e listës së intelektualëve dhe politikanëve që u vranë nga intrigat e Ahmet Zogut.
Për këtë shkak politika e sotme për turp nuk e kujton 2 marsin e 99 viteve më parë kur Gurakuqi mbeti i vrarë.
Por shqiptarët që respektojnë historinë e kanë kujtuar sot këtë datë në forma të ndryshme.
Njëri prej tyre aktivisti Genti Labi….
“Luigj Gurakuqi, Bari Itali.
Unë si shqiptar i thjeshtë nuk mund të rrija pa ardhur e pa përkujtuar në këtë datë tragjike për kombin, këtë burrë të madh të Kombit Shqiptar, shkodranin e mirë Luigj Gurakuqi.
Luigj Gurakuqi ishte firmëtar i Aktit të Pavarsisë në 28 nëntor 1912 në Vlorë, ku nënshkroi edhe tekstin e proklamatës së aktit të Pavarsisë që u mbajt për Shpalljen e pavarsisë në Vlorë. Si Sot në mbrëmje mbas një darke me bashkëpatriotët Dan Hasani & Riza Dani në Hotel Cavur këtu në Bari të Italisë u bënë 99 vite ku Baltjon Stamolla, djali i tezes së Luigj Gurakuqit e vrau me urdhër të tradhëtarve dhe armiqve të Shqipërisë këtë Burrë vërtetë të madh të Kombit Shqiptar.Pikërisht te ky vend në Bari të Italisë.Dyshimet jan se porositsi ishte Ahmet Zogu.
Zogu e shihte Luigj Gurakuqin si njeriun që mund ti merrte pushtetin dhe për këtë arsye si shumë nga këta personalitete me kontribut patriotik kombëtarë që Zogu kishte vendosur në listë për eleminim fizik ishte edhe Luigj Gurakuqi ku Zogu kishte rekrutuar Baltion Stamollën për ekzekutim! Luigj Gurakuqi u vra nga armiqtë dhe tradhëtarët e Shqipërisë por për ne Popullin e thjeshtë ai do të nderohet dhe përkujtohet si një Hero Legjendar.
Luigj Gurakuqi do nderohet e perkujtohet në jetë të jetëve si Hero Legjendar i Kombit Shqiptar.
Bari Itali 02.03.2024
Sipas dëshirës kush do e Shpërdan”, shkruan ai.
j.l./ dita
ISA E GURAKUQI
KUR U NGRIT FLAMURI
QENE DY KOKAT E SHQIPONJES
SKIFTERA KUSURI
ELEGJI PËR LUIGJ GURAKUQIN:
Nëno moj, mbaj zi për vllanë,
Me tre plumba na i ranë,
Na e vran’ e na e shanë,
Na i thanë tradhëtor.
Se të deshte kur s’të deshnin,
Se të qante kur të qeshnin,
Se të veshte kur të çveshnin,
Nëno moj, të ra dëshmor.
Nëno moj, vajto, merr malin,
Larot t’a përmbysnë djalin
Që me Ismail Qemalin
Ngriti flamur trimëror.
Nëno moj, m’a qaj në Vlorë
Ku të dha liri, kurorë,
Shpirt i bardhë si dëborë;
Ti s’i dhe as varr për hor.
Nëno moj, ç’është përpjekur
Gojë-mjalt’ e zëmër-hekur,
Syrgjyn-gjall’ e syrgjyn-vdekur,
Ky Vigan Liberator.
FAN STILIAN NOLI
Nder e respekt të keshë tërë jetën, i nderuar Gent Labi.
Njerëz si ju, i bëjnë nder e lavdi, Kombit Shqiptar.
Ju falenderoj për këtë atdhedashuri t’uajën.
Me shumë konsideratë.
Respekte per cfare ke bere o Gent , por, po te kishe edhe ca perkrahes any rrotull do te dukesh me kuptimplote .Sidoqofte ti bere dica…..!!!!
Luigji ynë i madh.
skipkaret zgjedhin kryehoxhen sot lol