Nga anëtare e qeverisë në Shqipëri, në kandidate për kryetare komune në Kosovë.
E kështu Besa Shahini, ish-ministre e Arsimit, njoftoi se do të garojë në zgjedhjet lokale për komunën e Prishtinës.
“Është një qytet kryesisht i mbuluar me beton, pa hapësira të mjaftueshme të gjelbra, kryesisht i papastër dhe jo shumë cilësor për fëmijët. Prishtinës i duhet një ndryshim radikal dhe një kahje tjetër zhvillimi. Unë dua të jem pjesë e këtij ndryshimi, andaj në vjeshtë do të garoj për kryetare të komunës në zgjedhjet lokale 2025”, tha Shahini.
Ajo u shpreh se para katër vjetësh u kthye për të jetuar në Prishtinë nga Tirana, por qyteti “ka marrë një kahje të gabuar në zhvillimin e vet”.
Sa i përket zgjedhjeve lokale, mediat në Kosovë shkruajnë se Presidentja Vjosa Osmani ka planifikuar të mbajë një takim të rëndësishëm politik me qëllim përcaktimin e datës.
Besa Shahini ka qenë pjesë e qeverisë “Rama 2”. Ajo mori detyrën si ministre e Arsimit, Sporteve dhe Rinisë në vitin 2019.
Këtë post ajo e mbajti për më shumë se një vit, ndërsa u pasua nga Evis Kushi. Shahini, pas kthimit në Kosovë, është angazhuar në aktivitete të shoqërisë civile.
j.l./ dita
Te degjojme kosovaret c’fare mendojne ( jo ata te semuret)
Rëndësi ka se çdo të thotë demua .
Besa Shahini, gruaja e rrugacit Dardan Mulliqaj, e kenaqi Ministrine e arsimit ne Shqiperi e do ta zdrite Kuvendin komunal te Prishtines..!
Besa Shahini pa Ok e Baton Haxhiut nuk ka mundur te emrohet ministre e arsimit ne qeverine e Shqiperise..!
Kjo nuk do asnji koment tjeter ..!