Një ciklon goditi Brazilin jugor, duke vrarë 21 persona, njoftoi guvernatori i shtetit të Rio Grande do Sul, duke shtuar se ky është bilani më tragjik nga një fenomen klimatik.
“Fatkeqësisht, u informova se 15 trupa u gjetën në komunitetin Musum, gjë që e çon numrin e të vdekurve në 21”, tha guvernatori Eduardo Leyte në një konferencë për shtyp.
Guvernatori sqaroi se janë mobilizuar disa dhjetëra zjarrfikës dhe se “disa qindra njerëz” janë shpëtuar.
Qeveria federale e Brazilit ka njoftuar disa masa për t’iu përgjigjur katastrofës dhe presidenti Luiz Inacio Lula da Silva premtoi se qeveria e tij do të bënte gjithçka që është e nevojshme për të “shpëtuar njerëzit nga këto probleme”.
Në qershor, një tjetër ciklon vrau 16 persona në të njëjtin shtet që kufizohet me Uruguain dhe Argjentinën.
j.l./ dita
