Nga Johana Lubonja
Ka momente kur imazhet flasin shumë më tepër se çdo fjalim apo deklaratë politike. Në mes të tensioneve, brohoritjeve dhe atmosferës së ngarkuar të një proteste, skena në këto video të shpërndarë në rrjete sociale nga protestuesit na kujton se përtej detyrës dhe pozicioneve të ndryshme, jemi mbi të gjitha njerëz.
Një efektiv i patrullës së policisë ka dhuruar një nga ato çaste që të ngrohin zemrën. Ka afruar një fëmijë të vogël, duke e përkëdhelur dhe duke e lejuar të ulet pas timonit të makinës së policisë.
Duart e policit që rregullojnë me kujdes kapelen mbi kokën e vogëlushit shfaqin një gjest prindëror dhe mbrojtës.
Ky akt thjeshtësie sjell një dritë pozitiviteti dhe tregon se policia nuk është thjesht një kordon ndarës, por përbëhet nga njerëz, prindër dhe qytetarë që dinë të ofrojnë siguri, dashuri dhe afërsi aty ku duhet më së shumti, tek fëmijët.
Një shenjë e bukur qytetarie dhe humanizmi që dëshmon se ajo që na bashkon është e ardhmja e këtyre fëmijëve.
DITA
