Agjencia Kundër Korrupsionit ka filluar një procedurë zyrtare për të verifikuar pasurinë e Presidentes së Kosovës, Vjosa Osmani, pas vërejtjes së dallimeve të dukshme në deklarimet e saj të pasurisë për vitet 2024 dhe 2025.
Mediat nga Kosova bëjnë me dije se nisja e verifikimeve ka ardhur pas shqetësimeve mbi ndryshimet në sasinë e pasurisë së deklaruar në formularët zyrtarë të zyrtarëve publikë.
Ndryshimet lidhen kryesisht me rritjen e kursimeve, si dhe shtimin e shumës së parave të gatshme të deklaruara.
Dokumentet e dorëzuara për vitin 2025 tregojnë lëvizje të konsiderueshme krahasuar me një vit më parë, çka ka shtyrë Agjencinë të ndërmarrë verifikime të mëtejshme sipas ligjit në fuqi.
Në deklarimin e vitit të kaluar, Osmani ka raportuar gjithashtu se bashkë me bashkëshortin posedojnë një banesë tjetër në Prishtinë, si dhe tokë dhe një shtëpi shtesë në Australi. Agjencia Kundër Korrupsionit po vijon procedurat e verifikimit, ndërsa çdo rezultat do të bëhet i ditur sipas rregullave ligjore.
Për këtë, Presidenca ka dhënë një reagim zyrtar përmes zëdhënësit Bekim Kupina. Ai ka theksuar se Presidentja Osmani është e hapur ndaj çdo hetimi, por për momentin nuk ka asnjë konfirmim lidhur me lajmin e publikuar.
“Presidentja Osmani mirëpret çdo verifikim nga institucione të pavarura, me paanshmëri, integritet, ligj dhe fakte të vërteta, por jo në kuadër të fushatave për njollosje, të cilat dihet mirëfilli pse po ndodhin”, tha Kupina për RTV21.
j.l./ dita
Kjo eshte me percarese se Albini!
Kurajo, kujdes mos na gacmoni Kurtin se ka nje familje 50 % kosovare, sipas mendimit te akademikut Nexhmedin Spahiu per “kombin” e Kosoves !
Pse nuk behet e njejta ne Shqiperi dhe jo nga SPAKU i dobet ndaj korupsionit dhe nuk kapin askend .
AJO ËSHTË NJË ZONJË DINJITOZE!
E JO SI CA HALABAKËR TË TIRANËS, TË CILËT PËRVEÇ TË TJERAVE, MORËN EDHE RROGËN E PRESIDENTIT.
O Milo, mos mba shume pergjegjesi per keta politikane si presidentja e Kosoves, dhe sidomos kur eshte femer se te ben emer. Sot nuk besohet vetja, ti na hidhe si me parshute tek Vjosa apo Semani, si e ka emrin kjo. Mos ke konflikt interes naten?!