Një delfin rreth 500 kg është gjetur i ngordhur në breg të detit në afërsi të plazhit të Vjetër në Vlorë.
Delfinit me gjatësi 2.8 m dhe me moshë 25-30 vjeç i seksit mashkull, dyshohet se ngordhja i ka ardhur si pasojë e helikave të mjeteve lundruese, të cilat e kanë dëmtuar në pjesën e pasme të trupit, ku duket qartë dhe shenjat e goditjes nga helika.
Ndërkohë që specialistët e zonave të mbrojtura kanë bërë matjet, pushues të shumtë kanë shuar kuriozitetin e tyre duke i bërë dhe foto delfinit të ngordhur.
Specialistja e menaxhimit të zonave të mbrojtura, Endora Çelohoxhaj, shprehet se ky delfin ka disa ditë qe ka ngordhur dhe për shkak të goditjes së helikave te mjeteve lundruese.
Specialistja u bën apel për te gjithë mjetet lundruese që lëvizin në këtë sezon në det, që të bëjnë kujdes pasi ka pasur raste që shumë specie dëmtohen nga helikat, që nga delfinët deri tek breshkat detare.
Delfini është larguar më pas nga mjetet e bashkisë për t’u groposur.
p.k\dita
