Gjykata e Shkodrës ka caktuar arrest me burg për 15-vjeçarin Klodian Kolbuçi, i cili vrau me thikë bashkëmoshatarin e tij Emiljano Gjoni. Gjithashtu seanca është mbajtur me dyer të mbyllura, ndërsa jashtë gjykatës ndodheshin familjarët e Kolbuçit.
Ndërsa vetë ai ishte i pranishëm në sallën e gjyqit, por nuk ka folur para gjykatës. Po ashtu, Prokurori Ndriçim Halili ka kërkuar masën me burg, teksa avokati i tij ka kërkuar që të merret masa e cila gjykon interesin më të larte në shërbim të të miturit.
Ngjarja e rëndë ka ndodhur pak ditë më parë në Shkodër ku dy të miturit janë konfliktuar më njëri- tjetrin për motive të dobëta. Por viktima mbeti i plagosur rëndë dhe ka ndërruar jetë pak çaste më vonë në ambjentet e spitalit.
Klodian Kolbuçaj është arrestuar nga policia pas disa orëve arrati. Në vendngjarje policia ka gjetur e sekuestruar dhe një thikë e cila dyshohet të jetë përdorur gjatë incidentit.
j.l./ dita
