Vuçiç: Shpëtuam Serbinë nga lufta, Kurti nëse është aq i fortë, pse kërkoi ndihmë?

Presidenti i Serbisë, Aleksandar Vuçiç, në lidhje me thirrjen e Albin Kurtit drejtuar NATO-s, gjermanëve dhe të tjerëve për shtimin e numrit të ushtarëve në KFOR, tha se është normale që për autoritetet e Prishtinës të vijnë më shumë gjermanë në Kosovë, por nuk duhet të ketë.

“Të gjithë duhet të themi sa normale dhe bukur është që askush të mos na godasë në vesh. Kundërpyetja ime është pse thua NATO-n kur je kaq i fortë, pse nuk hyre 20 ditë në veri, kur je kaq i fortë, mos flasim me tutje”, ka theksuar Vuçiç.

Vuçiç njoftoi se këshilltari i Departamentit të Shtetit, Derek Chollet, i cili është shumë i rëndësishëm në politikën amerikane, do të vijë në Serbi më 11 ose 12 janar.

“Ai është një njeri serioz, i përkushtuar, i ri dhe i zgjuar. Unë besoj në krijimin e marrëdhënieve më të mira me SHBA-në. Nuk do të jetë një bisedë e lehtë. Pas kësaj është planifikuar ardhja e të gjithë ekspertëve nga Evropa”, ka theksuar Vuçiç.

Ai tha se do të ketë presione, se ka pasur të panumërta deri tani dhe se nuk ka qenë bukur as në Tiranë, as në Pragë.

Vuçiç theksoi se arritën që ta shpëtonin Serbinë nga lufta.

“Ndërsa ju thoni se më shtrëngonte laku në qafë, jo për shkakun tim por se kërcënuan Serbinë, unë ruaja dhe mbroja sepse ishte puna ime dhe jo vetëm sepse e dua më shumë se çdo gjë, por se është më e rëndësishme për mua, fëmijët e mi dhe të gjithë të tjerët”, nënvizoi Vuçiç.

Për planin franko-gjerman, ai tha se sillen sikur të mos ishte draft, por propozim, sikur kuvendi e kishte miratuar.

“Duket se në Kosovë ka më shumë gjermanë dhe francezë se sa interesa serbe. Ata sillen sikur kjo është një ofertë që nuk duhet ta refuzoni. Ata janë të mëdhenj dhe të fuqishëm dhe mund të bëjnë çdo gjë, ne jemi të vegjël”, tha Vuçiç.

I pyetur për numrin e serbëve në Kosovë, ai tha se “është gjithmonë më i vogël, sepse ata janë nën presion të madh, por nuk po zvogëlohet aq sa ishte nga viti 2000 deri në vitin 2012, kur humbëm dy të tretat e popullsisë serbe. Tani po humbasim 1 deri në 3 për qind në vit, ngjashëm me rastin e Serbisë qendrore.”

j.l./ dita