Curva Nord i Interit u zbraz gjatë intervalit të ndeshjes kundër Sampdorias në shenjë zie për vdekjen e një prej liderëve të saj historikë, Vittorio Boiocchi, 69 vjeç, i vrarë në një pritë me armë zjarri nën shtëpinë e tij një orë para ndeshjes mes Interit dhe Sampodrias.
Boiocchi u godit nga të paktën tre të shtëna me armë zjarri që e goditën në qafë dhe gjoks: ai u transportua në spitalin e San Carlo në gjendje kritike, por vdiq pak më vonë.
Ai ishte duke u kthyer në shtëpi në këmbë kur është qëlluar me armë zjarri nga persona ende të paidentifikuar, duke marrë të paktën 5 plumba. Pavarësisht ndërhyrjes së forcave të rendit dhe transportit në helikopter drejt spitalit, ai ishte ndarë nga jeta.
Me të dëgjuar lajmin për vdekjen e Boiocchi-t, Curva Nord kishte tërhequr menjëherë pankartat dhe pushoi së kënduari kore.
Më pas në fund të pjesës së parë, Curva Nord u zbraz në shenjë ngushëllimi.
69-vjeçari kishte qenë për shumë kohë një person nën vëzhgim nga policia italiane, për shkak të së kaluarës së tij kriminale me rreth 26 vite të kaluara në burg për krime të ndryshme.
Disa dënime përfundimtare të mbledhura ndër vite: grabitje, trafik droge dhe rrëmbim. Ai kishte kaluar mbi 26 vjet në burg, herën e fundit që u arrestua ishte viti 2021.
j.l./ dita
o,bobo, cfar tifozi .
te kishte nje ligj;
kush eshte..trap, te ndalohet
me ligj te beje ..tifo .
Edhe tifoz Edhe ne moshe . E pra shqiptare shikoni qe paska krim kudo se jo vetem ne Shqiperi ndodhin vrasje