E ardhmja e Lionel Messit nuk dihet. Në Barcelonë presin kualifikimin në La Liga për të nisur përpjekjet për rikthimin e tyre. Në këtë kontekst, një konflikt i ri afrohet në Paris, për udhëtimin e Leos në Arabinë Saudite. E vërteta është se këtë të mërkurë u përhap lajmi se Messi nuk do të rinovojë përfundimisht me PSG-në. Vendimi do të ishte marrë një muaj më parë, por klubi parizian donte të dilte dhe të shpjegonte se ishin ata që nuk donin të zgjeronin lidhjen. Shkak për ‘jo’-në e sulmuesit nga Rosario u bë eliminimi i ri në Champions League ndaj një rivali siç është Bayern Munich dhe mungesa e një projekti të qëndrueshëm sportiv për të ardhmen për sezonin e ardhshëm.
Në këtë kuadër, ka ndodhur edhe udhëtimi drejt vendit aziatik. Në përgjithësi, PSG ka pushim të hënën dhe të martën dhe Messi e kishte planifikuar këtë udhëtim pak kohë më parë. Mirëpo, kur mbërriti në Arabinë Saudite, i thanë se do të stërviteshin dhe nuk kishte më mundësi të kthehej në Francë (u njoftua me vonesë). Në këtë mënyrë ata do të kishin vetëm tre ndeshje para përfundimit të Ligue 1, të cilës PSG e kryeson me 5 pikë përpara Olympique Marseille. Por kaq i ka mjaftuar presidentit Al Khalaifi që të kërkojë pezullimin dhe gjobitjen e argjentinasit për shkelje disipline. Por duket se e vërteta është ndryshe. Një hakmarrje e vogël për “JO”-në e argjentinasit ndaj ofertës së rinovimit të kontratës.
